The news is by your side.

Advertisement

این اے 120ضمنی انتخاب، بیگم کلثوم نواز نے کاغذات نامزدگی جمع کرادیے

لاہور : نواز شریف کی خالی نشست این اے120 پر ن لیگ کی جانب سے بیگم کلثوم نواز کے کاغذات نامزدگی جمع کرا دیئے گئے۔

تفصیلات کے مطابق نواز شریف کی نااہلی کے بعد لاہور سے قومی اسمبلی کی خالی ہونے والی نشست این اے ایک سو بیس پر پی ٹی آئی کی امیدوار ڈاکٹر یاسمین راشد کا راستہ روکنے کیلئے مسلم لیگ ن نے بیگم کلثوم نواز کو میدان میں اتارنے کا فیصلہ کیا۔

مسلم لیگ ن نے کلثوم نواز کے کاغذات نامزدگی جمع کرا دیئے، کاغذات نامزدگی کیپٹن(ر)صفدر ،آصف کرمانی نے الیکشن کمیشن میں جمع کرائے۔

عوام کی عدالت نے نوازشریف کو الزامات سے باعزت بری کردیا، آصف کرمانی

اس موقع پر مسلم لیگ ن کے رہنما آصف کرمانی نے کہا کہ این اے120سے کلثوم نواز کو اپنا امیدوار نامزد کیا ہے، کلثوم نواز کے کاغذات نامزدگی جمع کرادیئے ہیں، پارٹی نے کسی کو کوئی کال نہیں دی تھی،عوام کا سمندر امڈ آیا۔

آصف کرمانی کا کہنا تھا کہ عوام کی عدالت نے نوازشریف کو الزامات سے باعزت بری کردیا، عمران خان کے الزامات کے باوجود نوازشریف پر کرپشن کا چارج نہیں، نوازشریف کل بھی صادق وامین تھے اور آج بھی ہیں ، پورا پاکستان نواز شریف کا ہے۔

این اے120پر وہ خاتون آرہی ہے ، جس نےمشرف کامقابلہ کیا، کیپٹن(ر)صفدر

کیپٹن(ر)صفدر نے اس موقع پر کہا کہ آج مادرملت ثانی اس پارلیمنٹ کی رکن بننے جارہی ہیں، نوازشریف سڑکوں پر اس لئے ہیں آپ کے ووٹ کی حفاظت ہوسکے، ترقی جمہوریت سے ہوتی ہے، اندھیرے کو اجالے میں تبدیل کرینگے، عوام جمہوریت کےراستےمیں آنے والی ہر دیوار پاش پاش کردینگے، این اے120پر وہ خاتون آرہی ہے ، جس نےمشرف کامقابلہ کیا۔

زرائع کے مطابق کلثوم نواز شریف نے کاغذات نامزدگی پر دستخط کر دئیے ہیں۔

دوسری جانب این اے 120ضمنی انتخاب کیلئے پی ٹی آئی کی جانب سے ڈاکٹریاسمین راشد کو امیدوار نامزد کیا ہے جبکہ عندلیب عباس ضمنی انتخاب میں یاسمین راشد کی کورنگ امیدوار ہونگی۔

الیکشن کمیشن کے مطابق این اے 120 لاہور کے ضمنی انتخاب کے لئے کاغذات نامزدگی 12 اگست تک جمع کرائے جاسکتے ہیں جبکہ انتخاب 17 ستمبر کو ہوگا ۔

واضح سپریم کورٹ نے 28 جولائی کو پاناما کیس کا فیصلہ سناتے ہوئے نواز شریف کو نااہل قرار دیا تھا، جس کے بعد انھیں وزارت عظمیٰ کے ساتھ ساتھ قومی اسمبلی کی نشست سے بھی ہاتھ دھونا پڑے تھے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں