The news is by your side.

Advertisement

گرفتاری سے نہیں‌ ڈرتا، ہندو دہشت گردی سے متعلق اپنے بیان پر قائم ہوں: کمل ہاسن

چنائے: سپر اسٹار کمل ہاسن ہندو دہشت گردی سے متعلق اپنے بیان پر ڈٹ گئے.

تفصیلات کے مطابق انتہا پسند ہندوؤں کو آئینہ دکھانے والے کمل ہاسن نے کہا ہے کہ ہر مذہب میں‌ دہشت گرد ہوتے ہیں، ہندو مذہب میں بھی ہیں۔

انھوں نے کہا کہ انھیں‌ گرفتاری کی پروا نہیں، گاندھی کے قاتل نتھو رام گوڈسے کو ہندوستان کا پہلا دہشت گرد قرار دینے کے بیان پر قائم ہوں.

یاد رہے کہ چند روز قبل ایک انتخابی جلسے سے خطاب کرتے ہوئے کمل ہاسن نے کہا تھا کہ آزاد ہندوستان کا پہلا دہشت گرد کوئی مسلمان نہیں، بلکہ ایک ہندو تھا، جس نے گاندھی کو قتل کیا.

مزید پڑھیں: ہندو انتہا پسندوں کا اداکار کمل ہاسن پر چپل سے حملہ

اس بیان پر شدید ردعمل آیا، نہ صرف انتہا پسند جماعتوں، بلکہ انڈسٹری سے بھی انھیں تنقید کا نشانہ بنایا گیا. معاملہ یہیں نہیں رکا، مختلف ریلیوں میں‌ کمل ہاسن پر انڈے ٹماٹر برسائے گئے، چپل پھینکی گئی.

اس دباؤ کے باوجود کمل ہاسن نے جھکنے سے انکار کر دیا ہے اور کہا کہ وہ اپنے بیان پر قائم ہیں.

Comments

comments

یہ بھی پڑھیں