شاہ رخ خان نے ایک بار کہا تھا کہ میں خود ہی بالی وڈ ہوں جس پر خود ساختہ تنقید نگار کمال خان نے ان کا مذاق اڑیا تھا، مگر ’جوان‘ کی کامیابی دیکھ کر وہ بھی اس بات کو مان گئے ہیں۔

کمال راشد خان جو کے آر کے بھی کہلاتے ہیں انھوں نے سپر اسٹار کے بارے میں کہا کہ شاہ رخ خان نے جو کہا اسے ثابت کرکے بھی دکھایا۔ سابقہ ٹوئٹر موجودہ ’ایکس‘ پر فلم ’جوان‘ کی شاندار کامیابی پر انھوں نے تعریفوں کے پل باند دیے۔

خوساختہ تنقید نگار نے لکھا کہ سپراسٹار واحد بھارتی اداکار ہیں جن کو پوری دنیا میں اتنی شہرت حاصل ہے۔ میں انھیں بڑا بول بولنے والا انسان سمجھتا تھا جب اُنہوں نے یہ دو باتیں کہیں تھیں۔ پہلی بات یہ کہ ’میں خود ہی بالی ووڈ ہوں‘ اور دوسری یہ کہ ’میں سب ستاروں میں سے آخری ہوں‘۔

I thought SRK is a BADBOLA When he @iamsrk said this.
1) Main khud Hi Bollywood Hun.
2) I am the last of the stars.
But he has proved that he said truth.

— KRK (@kamaalrkhan) September 11, 2023

تاہم اب کمال خان مانتے ہیں کہ شاہ رخ نے اس بات کو سچ ثابت کردکھایا ہے، انھوں نے لکھا کہ چار دنوں میں ’جوان‘ نے دنیا بھر میں 520 کروڑ روپے کے قریب بزنس کرلیا ہے۔

https://twitter.com/kamaalrkhan/status/1701073456954036283?ref_src=twsrc%5Etfw%7Ctwcamp%5Etweetembed%7Ctwterm%5E1701073456954036283%7Ctwgr%5Ea15c9085140fb5977d2645d043a866c0fb085828%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1267472

واضح رہے کہ کے آر کے بالی وڈ اسٹارز کو اکثر و بیشتر عجیب و غریب انداز میں تنقید کا نشانہ بناتے ہیں اور ذاتیات پر اترنے سے بھی گریز نہیں کرتے۔