The news is by your side.

Advertisement

ہمیں ایجنٹ کہنے والے ثبوت لائیں ،مان جائیں گے، مصطفی کمال

کراچی: پاک سرزمین پارٹی کی سربراہ مصطفے کمال کہتے ہیں کہ کوئی بھی اس شہر کو لاوارث نہ سمجھے، حکومت اپنا طرز عمل درست کرے ورنہ عید کے بعد آئیندہ کے لائحہ عمل کا اعلان کرینگے۔

کراچی پریس کلب میں میٹ دی پریس سے خطاب میں پاک سر زمین پارٹی کے رہنما مصطفے کمال کا کہنا تھا کہ تین ماہ کا سفر خوشی کا نہیں ہے جب کوئی امید نہیں رہی تو قدم اٹھایا یہ شہر روشنیوں کا شہر ہوتا تھاآج یہاں اتنی کرپشن ہے کہ کوئی پوچھنے والا نہیں ہے تین سو ارب روپے کی لاگت سے مختلف ترقیاتی کام کروائے ایک روپے کی کرپشن نہیں کی۔

ان کا کہنا تھا کہ آج شہر کراچی میں ایسا بیج بویا جا رہا کہ ہر طرف تباہی اور بربادی ہو، شہر کی تعمیر اور ترقی کیلئے کوئی نہیں سوچ رہا،اپنے دور نظامت میں لیاری ایکسپریس وے کو جیسے چھوڑا تھا آج بھی اسی حال میں ہے ۔

مصطفے کمال کا کہنا تھا کہ آج بلدیاتی اختیارات مانگنے والے شہر کی بربادی کے وقت کہاں تھے ، دس روپے میں دی جانیوالی سفری سہولت آج اینٹوں پر کھڑی ہے ، شہری کے مینڈیٹ کا دعویٰ کرنے والے شناختی کارڈ کے لیے تو احتجاج کرتے ہیں لیکن شہر کی تباہی کے خلاف کیوں خاموش ہیں۔

Comments

comments

یہ بھی پڑھیں