کمالیہ : ڈاکٹرمریضہ کے پیٹ میں آلات جراحی بھول گیا -
The news is by your side.

Advertisement

کمالیہ : ڈاکٹرمریضہ کے پیٹ میں آلات جراحی بھول گیا

کمالیہ : پنجاب میں تعلیم اورصحت دونوں شعبے توجہ سے محروم ہیں، کمالیہ میں ڈاکٹر مریضہ کے پیٹ میں آلات جراحی بھول گیا، مریضہ کی شکایت پر 2 آپریشن کیے لیکن آلات نہ نکال سکا، سرجن تیسرے آپریشن کے ڈیڑھ لاکھ روپے مانگ رہے ہیں۔

تفصیلات کے مطابق کمالیہ میں مسیحا نے کمال ہی کر دیا، مریضہ کی زندگی داؤ پر لگا دی۔ کمالیہ کی رہائشی پچیس سالہ ارم 6 ماہ قبل زچگی کے لیے ڈاکٹر شوکت کے پاس گئی تھی۔ ڈاکٹر نے آپریشن تو کیا لیکن سرجری کا سامان پیٹ میں ہی بھول گیا۔

بعد ازاں مریضہ تکلیف ہونے پر دوبارہ ڈاکٹر کے پاس گئی جس پر ڈاکٹر نے مزید دو آپریشن کر ڈالے لیکن سرجری کا سامان نکالنے میں ناکام رہا اور دوسرے اسپتال جانے کا مشورہ دیا۔

ساہیوال کے ہسپتال میں ایکسرے کرانے پر حقیقت سامنے آئی۔ ڈاکٹرز پیٹ سے سرجری کا سامان نکالنے کے لیے ڈیڑھ لاکھ روپے کا خرچہ بتا رہے ہیں۔

ارم کے شوہر لیاقت نے ڈی سی ٹوبہ ٹیک سنگھ کو ڈاکٹر شوکت کے خلاف کارروائی کے لیے درخواست دے دی ہے، لیکن اب تک کوئی کارروائی نہیں کی گئی۔ اے آر وائی نیوز پر پر خبر نشر ہونے کے بعد انتظامیہ نے نوٹس لے لیا۔

Comments

comments

یہ بھی پڑھیں