کندھ کوٹ: کئی سال سے سندھ پولیس کے لئے درد سر بنے کچے کے ڈاکوؤں نے اپنا طریقہ واردات تبدیل کرلیا ہے۔
سندھ کے دیہی علاقوں میں خوف کی علامت شمار کئے جانے والے کچے کے ڈاکو پہلے تاوان کے لئے مردوں کو اغوا کرتے تھے تاہم اب انہوں نے شادی کا جھانسہ دیکر عورتوں کو اغوا کرنا شروع کردیا ہے۔
کندھ کوٹ پولیس کے مطابق ڈاکوؤں کی ایسی ایک کوشش کو ناکام بنادیا گیا ہے۔
پولیس کے مطابق نوابشاه کی رہائشی خاتون کو جاگیرانی گینگ نےشادی کےجھانسہ دے کربلایا، خاتون کو میڈیا کے سامنے بھی پیش کیا گیا جس نے بتایا کہ یہ لوگ ایک ماہ سے رابطے میں تھے،مجھےانڑ آنے کا کہا تھا،جب یہاں پہنچی تو پولیس نےاغوا ہونے سےبچالیا۔
ایس ایس پی کندھ کوٹ نے میڈیا کو بتایا کہ پہلےمرد اغوا ہوتےتھے اب خواتین کو اغوا کرنیکی کوشش ہورہی ہیں، پولیس نے کچےکو جانےوالےتمام راستوں پر چیک پوسٹ قائم کردی ہے، ہم ڈاکوؤں کے ہرپلان کو ناکام بنادیں گے۔
یہ بھی پڑھیں: کندھ کوٹ پولیس کی کارروائی، چند روز قبل اغوا ہونے والا شیرخوار بازیاب
واضح رہے کہ سندھ کے کچے کے علاقے میں موجود ڈاکوؤں کے خلاف بھرپور آپریشن تاحال جاری ہے
آئی جی سندھ کے مطابق مذکورہ علاقوں میں 300کے قریب مسلح ڈاکو ہیں جن کو حکومت سندھ سے نوٹیفائی کروا رہے ہیں۔
سندھ پولیس کی جانب سے ایک ڈاکو کے سر کی قیمت 25 سے 50 لاکھ روپے تک کرنے کی سفارش کی گئی تھی۔
