ٹوکیو: دنیا کی معمر ترین خاتون نے سال گرہ کیا پی کر منائی؟ یہ جان کر آپ حیران رہ جائیں گے، کین تاناکا جاپان سے تعلق رکھتی ہیں اور ان کی عمر اس سال 119 ہو گئی ہے۔
دنیا کی معمر ترین جاپانی خاتون کین تاناکا 2 جنوری 1903 کو پیدا ہوئی تھیں، دو دن قبل انھوں نے پورے جوش کے ساتھ ایک سو انیسویں سال گرہ منائی، انھیں کوکا کولا ڈرنک بہت مرغوب ہے، اس لیے انھوں نے سال گرہ بھی کوکا کولا پی کر منائی۔
ان کی پڑپوتی جونکو تاناکا نے ان کی سال گرہ کی تصویر ٹویٹ کرتے ہوئے انھیں مبارک باد دی اور نیک خواہشات کا اظہار کیا۔
چوں کہ کین تاناکا کو کوکا کولا بہت پسند ہے، اسی لیے ان کی سال گرہ پر جو سافٹ ڈرنگ پیش کی گئی اس پر ان کا نام اور عمر یعنی 119 سال درج تھا۔
【大快挙】119歳到達🎉
無事に119歳を迎えることができました！
サラ・ナウスさん以来22年ぶりの119歳到達です🎊最新のカ子さんの写真です📸
12月に親戚が会いに行った時のものです。たくさんの方々に支えられてここまでくることが出来ました🙌
これからも楽しく明るく元気に過ごしてほしいです😊 pic.twitter.com/K38jXDTIQ3— 田中カ子 (@tanakakane0102) January 1, 2022
جونکو نے اپنی پردادی کی تصویر شیئر کرتے ہوئے لکھا کہ بڑا کارنامہ، دادی 119 سال کی ہو گئیں، امید ہے آپ زندگی خوش دلی اور بھرپور طریقے سے گزاریں گی۔
سال گرہ پر کوکا کولا دیکھ کر بوڑھی خاتون بہت خوش ہوئیں، وہ اس عمر میں بھی اس سافٹ ڈرنک سے لطف اٹھاتی ہیں۔
The world's oldest person has celebrated her 119th birthday at a Japanese nursing home! Kane Tanaka was born in 1903 and keeps her mind sharp by studying maths and waking up at 6AM 🎂 pic.twitter.com/2pmhMtDUPL
— Sunrise (@sunriseon7) January 3, 2022
گنیز بل آف ورلڈ ریکارڈ کے مطابق کین تاناکا مرد اور خواتین دونوں میں ہی معمر ترین شخصیت ہیں، کین تاناکا 2 جنوری 1903 کو پیدا ہوئی تھیں اور 19 برس کی عمر میں ان کی شادی ہوئی۔
ان کے خاندان کی چاول کی دکان تھی جس پر وہ 103 برس کی عمر تک کام کرتی رہیں، اپنی زندگی میں انھوں نے 1918 کا ہولناک ہسپانوی فلو دیکھا اور 2 عالمی جنگوں کو قریب سے محسوس کیا۔
کین تاناکا 9 بہن بھائیوں میں ساتویں نمبر پر ہیں، جب ان کے شوہر اور بڑا بیٹا 1937 میں شروع ہونے والی دوسری چین-جاپانی جنگ میں لڑنے گئے تو انھوں نے نوڈل کی دکان چلا کر اپنے خاندان کی کفالت کی۔
