The news is by your side.

Advertisement

بھارتی اداکارہ کنگنا رناوت نے بدتمیزی کی تمام حدیں پار کرلیں

ممبئی : اپنے متنازعہ بیانات کے حوالے سے مشہور بھارتی فلمی اداکارہ کنگنا رناوت نے ایک بار پھر نازیبا الفاظ کا استعمال کرتے ہوئے سینئر فنکار کو اپنی کڑی تنقید کا نشانہ بنایا ہے۔

کنگنا رناوت نے اس  سے قبل سوشانت سنگھ کی موت کے حوالے سے بالی ووڈ کی مشہور شخصیات کو بھی تنقید کا نشانہ بنایا تھا۔اس کے علاوہ دیگر معاملات میں بھی اداکارہ کا تکبرانہ رویہ دیکھنے میں آیاہے۔

اس بار انہوں نے ہدف تنقید بالی ووڈ کی مشہور و معروف ہستی اور نغمہ نگار جاوید اختر کو بناتے ہوئے نازیبا الفاظ پر مبنی ٹوئٹ کیا ہے۔

تازہ ٹوئٹر پیغام میں انہوں نے مبینہ طور پر جاوید اختر کو بھیڑیا کہا ہے اور اس بدتمیزی پر سوشل میڈیا صارفین کنگنا رناوت سے ناراض بھی نظر آرہے ہیں۔

کنگنا رناوت نے اپنے ایک اور پیغام میں پولیس  تفتیش کے لیے نوٹس بھیجے جانے کی خبر کو ری ٹوئٹ کرتے ہوئے لکھا ہے کہ آج مجھے ایک اور سمن جاری کیا گیا ہے۔

انہوں نے مزید لکھا کہ سارے لکڑ بگھے ایک ساتھ آ جائیں اور مجھے جیل میں ڈال دیں۔ میرا استحصال کرو اورمزید500 کیس میرے اوپر لاد کر مجھے سلاخوں کے پیچھے کر دو، مر کر بھی میری راکھ یہی کہے گی کہ میں تم سب بھیڑیوں کو نہیں چھوڑوں گی۔

یاد رہے کہ نغمہ نگار جاوید اختر نے گزشتہ سال نومبر میں کنگنا کے خلاف ہتک عزت کا مقدمہ درج کرایا تھا اور اسی پر سخت رد عمل ظاہر کرتے ہوئے کنگنا نے ٹوئٹ کیا ہے۔

حالانکہ اس ٹوئٹ میں انہوں نے جاوید اختر کا نام نہیں لیا ہے لیکن ظاہر ہے کہ کیس جاوید اختر نے کیا ہے تو غصے کا اظہار بھی ان ہی پر کیا گیا ہے۔

Comments

یہ بھی پڑھیں