ممبئی: حال ہی میں برطانیہ سے بھارت واپس پہنچنے والی بالی ووڈ کی معروف گلوکارہ کے کرونا ٹیسٹ کی رپورٹ مثبت آئی ہے، انہوں نے وبا کی علامات ظاہر ہونے کے بعد سنگین غلطی کی جس کی وجہ سے تین سو لوگوں کی زندگی خطرے میں پڑ گئی۔
بھارتی میڈیا رپورٹ کے مطابق کانیکا کپور چند روز قبل لندن سے لکھنؤ پہنچیں، انہیں وبا کی علامات ظاہر ہونا شروع بھی ہوئیں مگر انہوں نے خود کو قرنطینہ نہیںکیا اور دعوت میں شرکت کی.
میڈیا رپورٹ کے مطابق کانیکا نے نزلے اور بخار کی شکایت پر ڈاکٹر سے رجوع کیا جنہوں نے کرونا کی تشخیص کا ٹیسٹ کروانے کی تجویز دی۔
گلوکارہ نے دو روز قبل ٹیسٹ کروایا جس کی رپورٹ پازیٹیو آئی جس کا مطلب وہ کرونا وائرس کا شکار ہوگئیں۔ گلوکارہ نے خود ہی انسٹاگرام پوسٹ کے ذریعے متاثر ہونے کی تصدیق کی۔
مزید پڑھیں: گیم آف تھرونز کے اداکار کرونا وائرس کا شکار ہوگئے
انہوں نے لکھا کہ ’جب میں واپس بھارت پہنچی تو زکام اور بخار کی شکایت تھی، جس کے بعد میں نے ڈاکٹر سے رجوع کیا اور کرونا کا ٹیسٹ کروانے کا فیصلہ کیا‘۔
کانیکا کا کہنا تھاکہ میں نے وائرس کی تصدیق ہونے کے بعد خود کو قرنطینہ کرلیا جبکہ گھر والے بھی سماجی علیحدگی اختیار کرچکے ہیں۔ انہوں نے مداحوں کو بتایا کہ بخار اور نزلے کے باوجود وہ طبیعت پہلے سے بہتر محسوس کررہی ہیں۔
گلوکارہ کی پوسٹ کے بعد انکشاف ہوا کہ کانیکا 15 مارچ کو بھارت کے شہر لکھنؤ واپس پہنچیں جس کے بعد انہوں نے ایک تقریب میں شرکت کی جس میں سیاسی رہنماؤں اور ججز سمیت 300 افراد نے شرکت کی، علاوہ ازیں وہ معمول کے مطابق زندگی گزار رہی تھیں۔
پارٹی میں شرکت کرنے والے بھارتیہ جنتا پارٹی کی رکن اسمبلی وشندھارا راجی اور اُن کے صاحبزادے دشیانت نے خود کو قرنطینہ کرلیا۔ سماجی رابطے کی ویب سائٹ پر رکن اسمبلی نے بتایا کہ ’ہم نے رات کے کھانے کی دعوت میں شرکت کی اور اس میں کانیکا بھی موجود تھیں، انہیں وائرس کی تشخیص ہونے کے بعد ہم نے خود کو گھر تک محدود کرلیا‘۔
While in Lucknow, I attended a dinner with my son Dushyant & his in-laws. Kanika, who has unfortunately tested positive for #Covid19 was also a guest.
As a matter of abundant caution, my son & I have immediately self-quarantined and we’re taking all necessary precautions.
— Vasundhara Raje (@VasundharaBJP) March 20, 2020
گلوکارہ کی جانب سے ٹویٹ کرنے کے بعد اُن کے مداحوں اور شہریوں نے کانیکا کو شدید تنقید کا نشانہ بنایا اور بولا کہ جب وہ برطانیہ سے واپس لوٹیں اور انہیں علامات ظاہر ہوگئیں تو پھر تقریب میں شرکت کیوں کی۔
یاد رہے کہ بھارت میں کرونا وائرس کے مریضوں کی تعداد 223 تک پہنچ گئی ہے۔
