The news is by your side.

Advertisement

معروف بھارتی اداکارہ ریکھا سندھو خوفناک کار حادثے میں ہلاک

نئی دہلی : بھارتی ٹیلی وژن اور فلموں کی معروف اداکارہ ریکھا سندھو خوفناک کار حادثے میں ہلاک ہوگئیں ۔

بھارتی میڈیا کے مطابق کناڈا ٹیلی وژن اور فلموں کی معروف اداکارہ ریکھا سندھو اپنے ساتھیوں ابھیشیک کماران، جیان کندرن اور رخشان کے ہمراہ چنئی سے بنگلور جار رہی تھیں کہ  تیز رفتار کار بے قابو ہوکر مخالف سمت سے آنے والے ٹرک میں جا گھسی۔

 

جس کے نتیجے میں کار میں سوار مقامی ٹی وی کی معروف اداکارہ ریکھا سندھو سمیت 4 افراد موقع پر ہی ہلاک ہوگئے ہیں، حادثے کے فوری بعد امدادی ٹیمیں موقع پر پہنچیں۔

ٹریفک حادثہ اتنا شدید تھا کہ حادثے میں گاڑی کو بری طرح نقصان پہنچا اور لاشوں کو گاڑی کاٹ کرباہرنکالا گیا۔

خیال رہے کہ ریکھا سندھو کا شمار کناڈا زبان کی معروف اداکاراؤں میں ہوتا تھا، انہوں نے متعدد ڈراموں میں اداکاری کی جبکہ فلموں میں بھی اپنے فن کے جوہر دکھائے۔

  سوشل میڈیا پر ریکھا سندھو کی ہلاکت  پر اظہار افسوس

دوسری جانب ریکھا سندھو کی اچانک ہلاکت کی خبر سے ان کے مداحوں کو شدید صدمہ پہنچا۔ سوشل میڈیا پر ان کی ہلاکت پر افسوس کا اظہار کیا جا رہا ہے۔

Print Friendly, PDF & Email

Comments

comments

یہ بھی پڑھیں