بھارت کے معروف کامیڈین کپل شرما نے کینیڈا میں اپنے کیفے پر فائرنگ کے بعد اسے دوبارہ سے کھولنے کا فیصلہ کرلیا ہے۔
بالی ووڈ اداکار و کامیڈین کپل شرما کینیڈا میں اپنے کیفے کو دوبارہ سے صارفین کی آمدورفت کے لیے کھولنے کو تیار ہیں، کپل اور ان کی اہلیہ گنی چترات نے جولائی کے شروع میں سرے، کینیڈا میں کیپس کیفے کھولا تھا۔
اس کے افتتاح کے فوراً بعد، کیفے کو فائرنگ کا نشانہ بنایا گیا تھا جس کی وجہ سے اسے عارضی طور پر بند کر دیا گیا تھا۔
کپل شرما نے انسٹاگرام پوسٹ میں کیفے کو دوبارہ کھولنے کا اعلان کیا، انھوں نے صارفین کےلیے لکھا کہ ہم نے آپ کو مس کیا اور آپ کی سپورٹ کےلیے شکریہ، دل کی گہرائیوں شکریہ کے ساتھ ہم اپنا ریستورنٹ دوبارہ کھول رہے ہیں۔
کچھ دنوں قبل بھارتی کامیڈین کپل شرما کے کیفے پر فائرنگ نے اداکا کو خوف و ہراس میں مبتلا کردیا تھا، واقعے کی ویڈیو بھی سامنے آئی تھی۔
کینیڈا کے شہر سرے میں کامیڈین کپل شرما نے نیا کیفے کھولا تھا مبینہ طور پر نامعلوم حملہ آوروں نے اسے شدید فائرنگ کا نشانہ بنا ڈالا، اس واقعے کی ویڈیوز بھی سوشل میڈیا پر سامنے آئی ہیں جس میں حملہ آور اندھا دھند فائرنگ کررہا تھا۔
ذرائع کے مطابق ہرجیت سنگھ لادی نامی شخص نے مبینہ طور پر کپل شرما کے ماضی کے تبصرے کے جواب میں گولی چلانے کا حکم دیا، ایک شو کے دوران مبینہ طور پر کامیڈین کے تبصرے ہرجیت کو ناگوار گزارے تھے۔
شو میں مذاق اڑانے پر کپل شرما کے کیفے پر اندھا دھند فائرنگ، ویڈیو وائرل
اے آر وائی نیوز کی ڈیجیٹل ڈیسک کی جانب سے شائع کی گئی خبریں