بھارتی فلم ساز نے معروف کامیڈین کپل شرما کی زندگی پر فلم بنانے کا اعلان کردیا۔
بھارت کے کامیڈی سپر اسٹار کپل شرما آج دنیا کے سامنے ایک خوشحال اور کامیاب ترین اداکار کی حیثیت سے جانے جاتے ہیں لیکن ان کی کامیابی سے قبل کے حالات کوئی نہیں جانتا۔
فلم بینوں کے سامنے بھارتی کامیڈین کپل شرما کی زندگی کے چھپے ہوئے راز، زندگی کے وہ پہلو جو اب تک پوشیدہ ہیں انہیں سامنے لانے کےلیے پروڈیوسر مہاویر جین نے کپل شرما پر فلم بنانے کا اعلان کیا ہے، جس کا ٹائٹل ‘فنکار’ ہوگا۔
- Advertisement -
کپل شرما کی زندگی پر بننے والی فلم کی ہدایت کاری مریغدیپ سنگھ لامبا دیں گے جو بالی ووڈ فلم فقرے بھی ڈائریکٹ کرچکے ہیں۔
مہاویر جین کا کہنا تھا کہ اربوں لوگ اپنی روزمرہ زندگی میں خوش و پرسکون رہنے کے لیے کپل شرما سے شکریہ کے ساتھ ڈوپمائن کا ڈوز لیتے ہیں۔
