مشہور بھارتی کامیڈین کپل شرما کے کیفے پر فائرنگ نے اداکا کو خوف و ہراس میں مبتلا کردیا، واقعے کی ویڈیو میں سامنے آگئی۔
کینیڈا کے شہر سرے میں کامیڈین کپل شرما نے نیا کیفے کھولا ہے جسے کیپس کیفے کا نام دیا گیا ہے، تاہم مبینہ طور پر نامعلوم حملہ آوروں نے اسے شدید فائرنگ کا نشانہ بنا ڈالا، اس واقعے کی ویڈیوز بھی سوشل میڈیا پر سامنے آئی ہیں جس میں حملہ آور اندھا دھند فائرنگ کررہا ہے۔
ذرائع کے مطابق ہرجیت سنگھ لادی نامی شخص نے مبینہ طور پر کپل شرما کے ماضی کے تبصرے کے جواب میں گولی چلانے کا حکم دیا، ایک شو کے دوران مبینہ طور پر کامیڈین کے تبصرے ہرجیت کو ناگوار گزارے تھے۔
World Famous comedian Kapil Sharma’s newly inaugurated restaurant KAP’S CAFE shot at in Surrey, BC, Canada last night.
Harjit Singh Laddi, a BKI operative, NIA’s (INDIA ) most wanted terrorist has claimed this shoot out citing some remarks by Kapil@SurreyPolice pic.twitter.com/p51zlxXbOf— Ritesh Lakhi CA (@RiteshLakhiCA) July 10, 2025
ویڈیو میں دکھایا گیا ہے کہ کار میں بیٹھا ایک شخص کیفے کی ایک کھڑکی پر یکے بعد دیگرے کئی گولیاں چلاتا ہے، وہ کم از کم 9 فائر کرتا ہے۔
میڈیا رپورٹس کے مطابق کیفے پر متعدد راؤنڈ فائر کیے گئے، گولیوں کے نشانات قریبی رہائشی عمارتوں پر بھی دکھائی دے رہے تھے۔
پولیس فی الحال علاقے کی سی سی ٹی وی فوٹیج کا جائزہ لے رہی ہے، اور جائے وقوعہ سے گولیوں کے کئی کارتوس برآمد کیے ہیں، پولیس فی الحال تمام ممکنہ زاویوں کو دیکھ رہی ہے آیا کہ فائرنگ کسی گینگ نے کی یا ذاتی انتقام تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں