The news is by your side.

Advertisement

کراچی: 10 کلو آٹا 400 روپے میں

کراچی: سندھ کے دو شہروں کراچی اور حیدر آباد میں اب دس کلو آٹے کی تھیلی 400 روپے میں دستیاب ہوگی۔

تفصیلات کے مطابق سندھ حکومت کے تحت سستے آٹے کی دستیابی کے لیے خصوصی مراکز قائم کر دیے گئے ہیں، اس سلسلے میں کراچی اور حیدر آباد کے بچت بازاروں کی فہرست بھی جاری کی گئی ہے۔

سندھ حکومت کے ترجمان مرتضیٰ وہاب نے کہا ہے کہ تمام اضلاع میں مقررہ مقامات سے 40 روپے فی کلو آٹا دستیاب ہوگا، نیز اشیائے ضروریہ کی قیمتوں کو کنٹرول کرنے کے لیے انتظامیہ متحرک ہے۔

خیال رہے کہ وزیر اعلیٰ سندھ مراد علی شاہ کی ہدایت پر سندھ حکومت نے کراچی میں 35 بچت بازاروں میں آٹا اسٹال لگانے کا فیصلہ کیا ہے، جمعرات سے کراچی ڈویژن کے ہر ضلع میں 5 بازاروں میں آٹا اسٹال لگائے جائیں گے۔

اسٹالز کی تفصیل:

اتوار بازار گلشن اقبال بلاک A-10 اور بلاک 7، بدھ بازار بلاک 10-A, سنیچر بازار پہلوان گوٹھ اور موسمیات بچت بازار

خواجہ غریب نواز مارکیٹ اورنگی ٹاؤن، 5 ڈی سرجانی ٹاؤن، ایشیا گراؤنڈ اورنگی، ٹنکی اسٹاپ سرجانی اور عید گاہ گراؤنڈ ٹنکی اسٹاپ سرجانی

پیر بازار 20 ایف بی ایریا، اتوار بازار 2 کے اسٹاپ نارتھ ناظم آباد، جمعرات بازار ایف سی ایریا اور پیر بازار 5 ڈی نیو کراچی

بدھ بازار گلشن حدید 2، پپری گراؤنڈ، کاٹھور بازار گڈاپ، جعفر طیار سوسائٹی مراد میمن اور جمعرات بازار ابراہیم حیدری

کیماڑی کالونی، ماڑی پور عید گاہ گراؤنڈ بچت بازار، بلدیہ ٹریننگ سینٹر سعید آباد، گٹر باغیچہ گراؤنڈ بچت بازار اور مچھر کالونی

کلفٹن بلاک 1، ہزارہ کالونی بالمقابل نیول ہائٹس صدر، نیا آباد مارکیٹ لیاری، پونا بائی ٹاور گارڈن اور لی مارکیٹ چوک

اتوار بازار عید گاہ کورنگی 1/2 3, جمعہ بازار عید گاہ گراؤنڈ لانڈھی، منگل بازار شاہ فیصل کالونی 3، سنیچر بازار کالا بورڈ اور بدھ بازار گولڈن گراؤنڈ کورنگی

Comments

یہ بھی پڑھیں