کراچی : رواں سال 136 بچے لاپتہ -
The news is by your side.

Advertisement

کراچی : رواں سال 136 بچے لاپتہ

کراچی: سی پی ایل سی کی جانب سے جاری رپورٹ میں بتایا گیا ہے کہ رواں سال کے دوران شہر قائد میں  بچے گمشدہ اور اغواء ہونے کے 136 مقدمات درج کیے گئے۔

تفصیلات کے مطابق سی پی ایل سی کی جانب سے جاری کردہ رپورٹ میں بتایا گیا ہے کہ رواں سال شہر کراچی سے 136 بچوں کے اغواء یا گمشدہ ہونے کے مقدمات شہر کے مختلف تھانوں میں درج کیے گئے ہیں۔

رپورٹ میں مزید بتایا گیا ہے کہ 136 میں سے 111 بچے بازیاب کروائے گئے ہیں، سی پی ایل سی کی رپورٹ میں بتایا گیا ہے کہ ’’بچوں کی گمشدگی کے حوالے سے سب سے زیادہ 46 واقعات ضلع سینٹرل میں پیش آئے  ہیں۔

جبکہ ڈسٹرکٹ ساؤتھ میں 38، ڈسٹرکٹ ایسٹ میں 4، ڈسٹرکٹ ملیر کورنگی میں 1 اور ڈسٹرکٹ ویسٹ میں 19 بچوں کی گمشدگی یا اغواء کی رپورٹس متعلقہ تھانوں میں درج کروائی گئی ہیں۔

یاد رہے گزشتہ سال کراچی سے 199 بچے لاپتہ ہونے کے رپورٹ درج کیے گئے تھے جبکہ پولیس ذرائع کے مطابق رواں سال کے 25 اغواء کے مقدمات اب بھی زیر تفتیش ہیں۔


136 children reported missing since last one… by arynews
پولیس ذرائع نے مزید بتایا کہ زیادہ تر بچوں کو تاوان کی غرض سے اغواء کیا گیا ہے جبکہ  بقیہ بچوں کو بازیاب کروانے کے حوالے سے کام جاری ہے اور جلد اُن کو بھی بازیاب کروالیا جائے گا۔

Comments

comments

یہ بھی پڑھیں