The news is by your side.

Advertisement

کراچی، شادی کی تقریب میں پولیس اہلکار کی ہوائی فائرنگ، 15 سالہ لڑکا جاں بحق

کراچی: شہر قائد کے علاقے لانڈھی میں شادی کی تقریب میں پولیس اہلکار کی ہوائی فائرنگ کے نتیجے میں 15 سالہ لڑکا جاں بحق اور ایک راہگیر زخمی ہوگیا۔

تفصیلات کے مطابق کراچی کے علاقے لانڈھی شیرپاؤ کالونی میں پولیس اہلکار کی جانب سے شادی کی تقریب میں ہوائی فائرنگ کی گئی جس کے نتیجے میں 15 سالہ لڑکا جاں بحق اور ایک راہگیر زخمی ہوگیا۔

پولیس نے فوری کارروائی کرتے ہوئے پولیس اہلکار عزیز کو گرفتار کرکے معطل کردیا، گرفتار اہلکار تھانہ اسٹیل ٹاؤن میں تعینات تھا۔

دوسری جانب جمشید کوارٹر تھانے کے اہلکار عمیر مسعود کی جانب سے سرعام ہوائی فائرنگ کی گئی، پولیس اہلکار نے سرکاری ایس ایم جی سے مشابہت رکھنے والے اسلحہ سے فائرنگ کی۔

مزید پڑھیں: کراچی، نشے میں دھت ہوکر خاتون کو ہراساں اور ہوائی فائرنگ کرنے والا اہلکار معطل

ادھر نارتھ ناظم آباد بلاک کیو میں فائرنگ کے نتیجے میں 3 ماہ کی بچی زخمی ہوگئی، زخمی بچی کو عباسی شہید اسپتال منتقل کردیا گیا ہے۔

واضح رہے کہ رواں سال جون میں حیدری تھانے کی حدود میں نشے میں دھت پولیس اہلکار کو خاتون کو ہراساں اور ہوائی فائرنگ کرنا مہنگا پڑ گیا تھا، سی سی ٹی وی فوٹیج اور پڑوسی کی جانب سے شکایت درج کرانے کے بعد ایس ایس پی نے پولیس اہلکار امجد کو معطل کردیا تھا۔

پڑوسی عامر کا کہنا تھا کہ کئی مرتبہ امجد کو اس کی حرکتوں سے روکنے کی کوشش کی گئی لیکن اس میں ہم کامیاب نہ ہوسکے اور اس کی حرکتیں بڑھتی ہی جارہی تھیں۔

Comments

comments

یہ بھی پڑھیں