The news is by your side.

Advertisement

کراچی میں کانگو وائرس کا کیس سامنے آگیا

کراچی:  شہر قائد کے جناح اسپتال میں رواں سال کا پہلا کانگو کا کیس سامنے آگیا۔

جناح اسپتال کی سربراہ اور ایگزیکٹیو آفیسر ڈاکٹر سیمی جمالی کے مطابق چالیس سالہ شخص پیشے کے اعتبار سے قصائی ہے جس کو سول اسپتال سے جناح اسپتال منتقل کیا گیا۔

انہوں نے بتایا کہ کراچی میں رواں سال رپورٹ ہونے والا کانگو کا پہلا کیس ہے، جناح اسپتال میں کرونا مریضوں کے لیے بنائے جانے والے آئسولیشن وارڈ کے بعد مریض کو دوسرے وارڈ میں منتقل کردیاگیا۔

یاد رہے کہ گزشتہ برس ستمبر میں کانگر وائرس کا کیس رپورٹ ہوا تھا، مریض کی عمر 33 سال اور تعلق سندھ کے ضلع شہداد پور سے تھا۔

متاثرہ شخص کو اسپتال منتقل کرنے کے بعد مختلف ٹیسٹ کرائے گئے جس میں کانگو وائرس کی تصدیق ہوئی، ڈاکٹرز نے مریض کو فوری طور پر انتہائی نگہداشت وارڈ میں داخل کرکے علاج شروع کردیا۔

کانگو وائرس کیا ہے؟

یہ وائرس مویشی کی کھال سے چپکی چیچڑوں میں پایا جاتا ہے، چیچڑی کے کاٹنے سے وائرس انسان میں منتقل ہو جاتا ہے، قومی ادارۂ صحت کے مطابق نیرو نامی وائرس انسانی خون، تھوک اور فضلات میں پایا جاتا ہے جو انسانوں میں گانگو بخار پھیلاتا ہے۔

کانگو کی علامات

متاثرہ شخص کو تیز بخار، کمر، پٹھوں، گردن میں درد، قے، متلی، گلے کی سوزش اور جسم پر سرخ دھبے کانگو کی علامات ہیں۔

احتیاطی تدابیر

جانوروں کے پاس جانے سے گریز کیا جائے، مویشیوں کے پاس جانے کی ضرورت پیش آئے تو دستانوں کا استعمال ضرور کیا جائے۔

یاد رہے کہ کانگو وائرس کے خاتمے کے لیے تا حال کوئی ویکسین ایجاد نہیں ہوئی ہے لہٰذا قبل از وقت احتیاط اور مرض ظاہر ہو جانے کی صورت میں فوری اور بر وقت علاج ضروری ہے۔

fb-share-icon0
Tweet 20

Comments

comments

یہ بھی پڑھیں