The news is by your side.

Advertisement

کراچی : مشتعل شہریوں نے تین ڈاکوؤں کو پکڑ لیا، زندہ جلانے کی کوشش

کراچی : لانڈھی میں مشتعل شہریوں نے ڈاکوؤں کو رنگے ہاتھوں پکڑ کر تشدد کا نشانہ بنا کر جلانے کی کوشش کی، پولیس نے بروقت پہنچ کر ان کی جان بچالی، مردہ حالت میں ملنے والی دو سالہ بچی کی تدفین شرافی گوٹھ میں کردی گئی۔

تفصیلات کے مطابق کراچی کے علاقے لانڈھی میں تین ڈاکوؤں کو لوٹ مار کے دوران شہریوں نے پکڑ لیا، شہر قائد کے باسیوں کو اب لوٹ مار کسی صورت برداشت نہیں۔

لانڈھی میں فائر اسٹیشن پر لوگوں نے پہلے ان کی خوب دھنائی کی اور انہیں شدید تشدد کا نشانہ بنایا، اس موقع پر مشتعل لوگوں نے ڈاکوؤں کو زندہ جلانے کی کوشش بھی کی۔

اطلاع ملنے پر علاقہ پولیس جائے وقوعہ پر بروقت پہنچ گئی اور پولیس نے ڈاکوؤں کو لوگوں کے چنگل سے آزاد کروا کر تینوں ملزمان کو اپنی حراست میں لے لیا۔ تینوں ڈاکو اسلحے کے زور پر شہریوں سے لوٹ مار کر رہے تھے۔

علاوہ ازیں شرافی گوٹھ تھانے کی حدود میں گزشتہ روز ملنے والی دو سالہ بچی عروہ کی تدفین کر دی گئی، عروہ کی ایک روز قبل تشدد زدہ لاش ملی تھی۔

پولیس کا کہنا ہے بچی کے جسم پر زخموں کے نشانات ہیں تاہم بچی سے زیادتی کے شواہد نہیں ملے۔ اہل خانہ کا کہنا ہے بچی کی موت رشتہ داروں کے گھر میں ہوئی۔

Comments

comments

یہ بھی پڑھیں