کراچی(15 جنوری 2026): ایف سی ایریا لیاقت آباد سے ڈکیتی، اسٹریٹ کرائم اور منشیات فروشی میں ملوث 4 ملزمان کو گرفتار کرلیا گیا۔
ترجمان رینجرز کے مطابق کراچیکے علاقے ایف سی ایریا لیاقت آباد سے ڈکیتی، اسٹریٹ کرائم اور منشیات فروشی میں ملوث 4 ملزمان کو گرفتار کرلیا گیا، ملزمان میں انس عرف شانی، سید ظاہر حسین عرف ضیا، محمد جاوید عرف چپٹا اور دانیال عرف کلر والا شامل ہے۔
ترجمان رینجرز کا کہنا ہے کہ ملزمان سے 30 بور پستول بغیر لائسنس، ایمونیشن، ڈمی پستول برآمد ہوا، ملزمان سے 7 موبائل فونز، موٹرسائیکل اور نقدی بھی برآمد ہوا ہے۔
ترجمان سندھ رینجرز کا مزید کہنا ہے کہ گرفتار ملزمان ایک منظم گینگ کا حصہ ہیں، ملزمان ایف سی ایریا لیاقت آباد ٹاؤن میں اسلحے کے زور پر وارداتوں میں ملوث رہے، ملزمان کو قانونی کارروائی کے لیے پولیس کے حوالے کر دیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں