The news is by your side.

کراچی: 5 رکنی موٹرسائیکل لفٹنگ گینگ گرفتار ،50 سے زائد موٹرسائیکلوں کے ڈھانچے برآمد

کراچی : پولیس نے موٹرسائیکل لفٹنگ گینگ کو گرفتار کرتے ہوئے ان کے قبضے سے 50 سے زائد موٹرسائیکلوں کے ڈھانچے برآمد کرلئے۔

تفصیلات کے مطابق کراچی میں کورنگی پولیس نے کارروائی کرتے ہوئے موٹرسائیکل لفٹنگ گینگ کو گرفتار کرلیا۔

پولیس نے بتایا کہ ملزمان سے 50 سے زائد موٹرسائیکلوں کے ڈھانچے اور 37مسروقہ موٹرسائیکلوں کے چیچس بھی برآمد ہوئے۔

اس کے علاوہ ملزمان سے 4 مسروقہ موٹرسائیکلوں کے پارٹس اور تالاکاٹنے والے کٹرز بھی برآمد کئے گیے ہیں۔

پولیس کا کہنا تھا کہ گینگ 5 ملزمان پرمشتمل ہے، ملزمان کی شناخت فرحان، شہزاد، اسد، فیصل اورنوید کے نام سے ہوئی۔

یاد رہے گذشتہ ہفتے اینٹی وہیکل لفٹنگ سیل نے کراچی سے موٹرسائیکل چوری کرکے بلوچستان فروخت کرنے والے گروہ کو گرفتار کیا تھا۔

ایس ایس پی طارق نواز نے بتایا تھا کہ ملزمان بلوچستان سے کراچی آکرموٹر سائیکل چوری و چھینتےتھے اور ساکران میں موٹر سائیکل فروخت کرتےتھے۔

طارق نواز کا کہنا تھا کہ ملزمان سے چوری شدہ موٹرسائیکلیں بھی برآمد کرلیں۔

Comments

یہ بھی پڑھیں