The news is by your side.

Advertisement

کراچی:ملیر میمن گوٹھ کے قریب گاڑی نے بچوں کو روند ڈالا

کراچی: شہر قائد میں دلخراش حادثہ رونما ہوا ہے، جہاں تیز رفتار گاڑی کی ٹکر سے 6 سالہ بچی جاں بحق جبکہ 4 بچے زخمی ہوگئے ہیں۔

ریسکیو ذرائع کے مطابق واقعہ ملیر میمن گوٹھ میں اس وقت پیش آیا جب بچے گلی میں کھیل رہے تھے کہ تیز رفتار کار نے انہیں ٹکر دے ماری، دلخراش حادثے میں چھ سالہ بچی موقع پر ہی جاں بحق جبکہ چار بچے زخمی ہوئے، واقعے کے بعد زخمی بچے لہولہان مدد کے لئے پکارتے رہے۔

پولیس ذرائع کا کہنا ہے کہ حادثے کے بعد ڈرائیور کار کو موقع واردات پر چھوڑ کر فرار ہوگیا ہے، جس کی تلاش شروع کردی گئی ہے، حادثے کے بعد امدادی ٹیمیں اور پولیس جائے حادثے پر پہنچی اور جاں بحق بچی و زخمی بچوں کو طبی امداد کے لئے جناح اسپتال منتقل کیا۔

اسپتال ذرائع کے مطابق ٹریفک حادثے میں زخمی 4بچےجناح اسپتال میں زیرعلاج ہیں جن میں سے دو کی حالت تشویشناک ہے۔

واقعے کی اطلاع ملنے پر جاں بحق بچی اور زخمی بچوں کے اہل خانہ سمیت علاقہ مکین بڑی تعداد میں جناح اسپتال پہنچ گئے، واقعے پر لوگوں میں سخت اشتعال پایاجاتا ہے۔

Comments

یہ بھی پڑھیں