The news is by your side.

Advertisement

کراچی: طالبہ سے مبینہ زیادتی کی کوشش کرنے والا ملزم ایک ماہ بعد بھی گرفتار نہ ہوسکا

کراچی : پولیس پی ای سی ایچ ایس بلاک 6میں طالبہ سے مبینہ زیادتی کی کوشش کرنے والے ملزم کو گرفتار نہ کرسکی، عینی شاہد کا کہنا ہے کہ ملزم بچی سے مبینہ زیادتی کی کوشش کررہا تھا، مجھے دیکھتے ہی فرار ہوگیا۔

تفصیلات کے مطابق کراچی کے علاقے پی ای سی ایچ ایس بلاک 6میں طالبہ سے مبینہ زیادتی کی کوشش کرنے والا ملزم ایک ماہ گزرنے کے بعد بھی گرفتار نہ ہوسکا۔

ملزم کی سی سی ٹی وی اور عینی شاہد کا بیان سامنے آگیا ہے ، عینی شاہد کا کہنا ہے کہ 10سے 12سال کی ایک بچی اسکول جارہی تھی اور ایک شخص بچی سے مبینہ زیادتی کی کوشش کررہا تھا۔

عینی شاہد نے دعویٰ کیا کہ وہ شخص بچی کو تھپڑ بھی مارے جارہاتھا، میں نے جیسے ہی دیکھا تو گاڑی گھمائی، ملزم پیدل فرارہوا، میں نے شارع فیصل تک اس کے پیچھے گاڑی بھگائی جبکہ بچی کو چوٹیں بھی آئی تھی مگر وہ اسکول چلی گئی۔

فوٹیج میں مبینہ زیادتی کرنے والے ملزم کو بھاگتے دیکھا جاسکتا ہے۔

Comments

یہ بھی پڑھیں