The news is by your side.

Advertisement

سی اے اے عملے کی دیانتداری : نوٹوں سے بھرا بیگ مسافر کے حوالے کردیا

کراچی : جناح انٹرنیشنل ائیرپورٹ کراچی پر سی اے اے کے عملے نے دیانتداری کا مظاہرہ کرتے ہوئے غیر ملکی کرنسی سے بھرا بیگ مسافر کے حوالے کردیا۔

تفصیلات کے مطابق جناح انٹرنیشنل ارائیول لاؤنج میں سول ایشن اتھارٹی (سی اے اے) اہلکار عارف نے ایک ہینڈ بیگ پڑا دیکھا۔

بیگ میں 6900 امریکی ڈالر اور دیگرغیر ملکی کرنسی موجود تھی جس کی پاکستانی روپے میں گیارہ لاکھ روپے سے زائد بتائی جا تی ہے۔

سی اے اے کے عملے نے بیگ ڈی ٹی ایم کے آفس میں جمع کرا دیا، امریکی پاکستانی نژاد مسافر ہمایوں درانی غیر ملکی ائیر لائن سے کراچی پہنچا۔

مذکورہ مسافر غیر ملکی پرواز ای کے چھ سو سے کراچی پہنچا تھا، بعد ازاں مسافر ہمایوں درانی اپنے بیگ کی تلاش میں سی اے اے کے آفس پہنچ گیا۔

عملے نے بیگ کے مالک ہمایوں درانی سے ضروری تصدیق کرانے کے بعد اسے بیگ لوٹا دیا، مسافر نے ائیرپورٹ پر مامور سی اے اے کے عملے کی دیانتداری کو سراہا اور ان کا شکریہ ادا کیا۔

ائیر پورٹ مینجر عمران خان نے سی اے اے کے فیسی لیٹیشن کے عملے کو دیانتداری پر شاباشی دی اور تعریفی اسناد دینے کا اعلان کیا ہے۔

Comments

comments

یہ بھی پڑھیں