site
stats
سندھ

جعلی دستاویزات کی تیاری میں ملوث نادرا کا سینئرایگزیکٹو افسرگرفتار

کراچی : ایف آئی اے اینٹی کرپشن سرکل نے کارروائی کر کےجعلی شناختی کارڈ اور دیگر دستاویزات کی تیاری میں ملوث نادرا کا سینئرایگزیکٹو افسرگرفتار کرلیا۔

ذرائع کے مطابق زندہ پاکستانی نژاد امریکی خاتون شہری کا ڈیتھ، ہیر شپ سرٹیفکیٹ اور شناختی کارڈ تیار کیا گیا، ذرائع کے مطابق کئی برس سے امریکہ میں مقیم شائستہ ہدی کے ڈیفنس میں واقع پلاٹ پر قبضے کے لئے دستاویزات تیار کی گئیں۔

دوسری خاتون کی تصویر کے ساتھ کارڈ اجراء کے لئے پلاٹ مالکن کی فیملی ٹری میں تبدیلی کی گئی۔پلاٹ پر قبضے کے لئے دستاویزات جہانگیر سلطان اور اس کی دو بیٹیوں نے تیار کرائیں، ذرائع کے مطابق باپ اور بیٹیوں کے نام بھی ایف آئی آر میں درج کر لئے گئے۔

دوسری جانب کراچی میں جناح انٹرنیشنل پر ایف آئی اے امیگریشن نے کارروائی کرکے مالیاتی فراڈ میں ملوث دو مسافراور دہرے پاسپورٹ کا حامل مسافر کو گرفتارکر لیا۔

ذرائع کے مطابق صداقت نامی مسافر خیبر پختونخوا عدالت سے اشتہاری اورخرم شہزاد نیب ملتان کو مطلوب تھا۔ غلام رسول کا نام ایک سے زائد پاسپورٹ کے حوالے سے بلیک لسٹ میں شامل تھا۔

ذرائع کے مطابق ملزمان کو شاہین ائیر اورائیر بلوکے ذریعے دبئی اور سعودیہ جاتے ہوئے گرفتار کیا گیا۔ملزمان کو نیب ملتان،کے پی کے جبکہ تیسرا ملزم انسداد انسانی اسمگلنگ سرکل منتقل کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top