کراچی ایئرپورٹ پر دبئی جانے والی 2 خواتین کو امیگریشن کلیئرنس کے دوران آف لوڈ کردیا گیا ہے۔
اے آر وائی نیوز کے مطابق کراچی ایئرپورٹ پر دبئی جانے والی دو خواتین کا سیاحتی ویزے کی آڑ میں مساج سینٹرز میں ملازمت کا انکشاف ہوا ہے۔
فیصل آباد کی رہائشی خاتون نے جنسی استحصال نیٹ ورک میں ملوث ہونے کا اعتراف کیا ہے۔
ایف آئی اے کا کہنا ہے کہ ملزمہ فیس بک اور واٹس ایپ کے ذریعے خواتین کو بھرتی کرتی رہی ہے، یو اے ای میں موجود سہولت کار بابر کی مالی معاونت کا بھی انکشاف ہوا ہے۔
ترجمان ایف آئی اے کے مطابق کراچی کے علاقے اعظم ٹاؤن میں خواتین کو قیام کروایا جاتا رہا ہے، شومنی اور سفری انتظامات کرنے والے مرکزی ملزم کو بھی گرفتار کرلیا گیا ہے۔
ایف آئی اے حکام کا کہنا ہے کہ متعدد موبائل فونز سے واٹس ایپ چیٹس اور وائس نوٹ ملے ہیں جبکہ مزید گرفتاریوں کا بھی امکان ہے۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں