The news is by your side.

Advertisement

کراچی ایئرپورٹ پر طوفانی برش سے نمٹنے اور نکاسی کے انتظامات مکمل

کراچی : میں طوفانی بارشوں کی پیش گوئی کے پیش نظر کراچی ایئرپورٹ انتظامیہ نے پانی کی نکاسی کے لیے رن وے اور اس سے متصل نالوں کی صفائی کے انتظامات اور حفاظتی اقدامات مکمل کر لیے گئے ہیں.

تفصیلات کے مطابق کراچی ایئرپورٹ انتظامیہ کی جانب سے رن وے اور اس سے متصل نالوں کی صفائی کا کام مکمل کرلیا ہے اورایئرپورٹ کی چھت کو پانی سے محفوظ رکھنے کے خصوصی انتظامات عمل میں لائے گئے ہیں.

اس حوالے سے سول ایوی ایشن اتھارٹی نے تمام ایئرلائنز اور متعلقہ اداروں کو حفاظتی اقدامات کے لئے ہدایات جاری کرتے ہوئے ہلکے طیاروں کو محفوظ جگہ اور ایک دوسرے سے قدرے فاصلے پر پارک کرنے کی ہدایات کی.

سول ایوی ایشن اتھارٹی نے تںد و تیز ہواؤں کے باعث گراؤنڈ ہینڈ لنگ کے آلات سمیت گاڑیوں کے طیاروں سے ممکنہ ٹکرانے سے بچاؤ کے اقدامات کرنے کی بھی ہدایات جاری کی ہیں.

سول ایوی ایشن کے مراسلے میں مزید کہا گیا ہے کہ بارش اور ہواؤں سے رن وے پر ممکنہ نقصانات اور آپریشن میں تعطل سے بچاو کے لئے تمام تر ضروری اقدامات بروئے کار لائے جائیں اور ایئرلائنز اور متعلقہ ادارے محکمہ موسمیات کی اپ ڈیٹس سے آگاہ رہیں.

سول ایوی ایشن کے مراسلے میں جاری ہدایات پر عمل کرتے ہوئے کراچی ایئرپورٹ کی انتظامیہ نے موسمی تغیرات اور طوفانی بارش سے محفوظ رہنے اور کسی ممکنہ حادثے سے بچنے کے لیے حفاظتی اقدامات مکمل کر لیے ہیں.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں