کراچی ایئرپورٹ: ریال اور درہم کی اسمگلنگ ناکام karachi airport smuggler
The news is by your side.

Advertisement

کراچی ایئرپورٹ: ریال اور درہم کی اسمگلنگ ناکام

کراچی: کسٹم نے کراچی ایئرپورٹ پر کرنسی اسمگلنگ کی کوشش ناکام بناتے ہوئے 37 لاکھ روپے مالیت کے درہم اور سعودی ریال برآمد کرکے ملزم کو گرفتار کرلیا۔

تفصیلات کے مطابق پاکستان کسٹمز پری وینٹو نے جناح انٹرنیشنل ائرپورٹ ڈیپارچر لاوٴنج پر کارروائی غیر ملکی کرنسی اسمگل کرنے کی کوشش ناکام بنا دی۔

کسٹم نے ایئرپورٹ پر موجودہ دبئی ایئرلائن کی پرواز Fz 332 کے ذریعے دبئی جانے والے مرتضیٰ نامی مسافر کی چیکنگ کی اور اس کے قبضے سے غیر قانونی طور پر اسمگل کی جانے والی غیر ملکی کرنسی برآمد کرلی جس میں 1 لاکھ 5 ہزار درھم اور 25 ہزار سعودی ریال شامل ہیں۔

ترجمان کسٹم کے مطابق ملزم کو گرفتار کرلیا گیا ہے، کرنسی کو ملزم نے اپنے جوتوں اور کپڑوں میں چھپایا ہوا تھا، کسٹم عدالت سے ملزم کا ریمانڈ حاصل کر کے مزید تفتیش کی جا رہی ھے۔

ترجمان کا کہنا تھا کہ برآمد شدہ غیر ملکی کرنسی کی پاکستانی مالیت 37 لاکھ روپے سے زائد ہے۔

Comments

comments

یہ بھی پڑھیں