کراچی : سڑکوں پر پہلی بار ایمبولینس کے لیے لائن مختص کردی گئی، ایمپریس مارکیٹ سے لکی اسٹار تک ایمبولینس ٹریک بنایا گیا ہے۔
تفصیلات کے مطابق کراچی نے ہنگامی رسپانس کے اوقات بہتر بنانے کے لیے اپنا پہلا مخصوص ایمبولینس لین فعال کر دیا ہے۔
صدر ایمپریس مارکیٹ سے لکی اسٹار تک ایمبولنس ٹریک بنایا گیا ہے، جو شہر میں طبی سہولتوں تک تیز اور محفوظ رسائی کی جانب ایک اہم قدم ہے۔
ڈپٹی کمشنر ساؤتھ جاوید نبی کھوسو نے کہا کہ انتظامیہ کا مقصد ہنگامی گاڑیوں کے لیے بلا تعطل نقل و حرکت کو یقینی بنانا ہے۔
انہوں نے شہریوں کی جان کی حفاظت اور ایمبولینس کے لیے آسان رسائی کو ضلع کی اولین ترجیح قرار دیا۔
کھوسو نے مزید بتایا کہ ضلع ساؤتھ کی دیگر اہم سڑکوں پر بھی مزید مخصوص ایمبولینس لینز متعارف کرائی جائیں گی، ان لینز کے ذریعے ٹریفک جام کے باعث پیدا ہونے والی تاخیر میں کمی آئے گی اور ہنگامی صورت حال میں فوری طبی امداد ممکن ہو سکے گی۔
اس اقدام کو کراچی کے ہنگامی انفراسٹرکچر میں ایک اہم بہتری کے طور پر سراہا گیا ہے، یہ مخصوص لینز خصوصاً مصروف تجارتی علاقوں میں فائدہ مند ثابت ہوں گے جہاں ایمبولینسیں عموماً بھاری ٹریفک کی وجہ سے حرکت کرنے میں دشواری کا سامنا کرتی ہیں۔
