The news is by your side.

Advertisement

کراچی میں ملازمہ گھر سے 90 لاکھ مالیت کا سونا لوٹ کر فرار

کراچی: شہر قائد کے علاقے گزری کے علاقے میں گھر سے 90 لاکھ روپے کا سونا لوٹ لیا گیا۔

اے آر وائی نیوز کی رپورٹ کے مطابق کراچی کے علاقے گزری سے گھریلو ملازمہ سنار کے گھر سے 80 تولے سونا لوٹ کر فرار ہوگئی جس کی مالیت 90 لاکھ روپے بتائی جارہی ہے۔

پولیس کے مطابق سنار اکبر گھر میں کام کرنے ولای ملازمہ پر شک کا اظہار کیا ہے، واش روم میں بنی الماری سے سونے کی چوری ہونے کی اطلاع دی گئی۔

گزری پولیس کا کہنا ہے کہ 80 تولے سونے کی چوری کا مقدمہ درج کرکے تحقیقات کا آغاز کردیا گیا ہے۔

ادھر ویسٹ پولیس نے موٹرسائیکل لفٹرز کے خلاف کارروائیاں جاری ہیں، خفیہ اطلاع پر تین رکنی موٹر سائیکل لفٹر گروہ کوگرفتار کرلیا گیا۔

ایس ایس پی ویسٹ کا کہنا ہے کہ ملزمان سے موٹر سائیکل اور پارٹس بھی برآمد کرلیے گئے ہیں، گرفتار ملزمان کو اے سی ایل سی کے حوالے کیا جارہا ہے ۔

Comments

یہ بھی پڑھیں