چار روزہ عالمی اردوکانفرنس کا آغاز یکم دسمبر سے ہوگا، احمد شاہ -
The news is by your side.

Advertisement

چار روزہ عالمی اردوکانفرنس کا آغاز یکم دسمبر سے ہوگا، احمد شاہ

کراچی : سیکرٹری کراچی آرٹس کونسل احمد شاہ نے کہا ہے کہ یکم دسمبر سے چار روزہ نویں عالمی اردو کانفرنس کا انعقاد آرٹس کونسل آف پاکستان کراچی میں ہوگا، جس میں پاکستان سمیت دنیا بھر سے مندوبین شرکت کریں گے ۔

اس بات کا اعلان آرٹس کونسل کے عہدیداران سید احمد شاہ، پروفیسر اعجاز فاروقی نے ایک مشترکہ پریس کانفرنس میں کیا انہوں نے بتایا کہ نویں سالانہ عالمی اردو کانفرنس یکم دسمبر سے چار دسمبر تک آرٹس کونسل کراچی میں جاری رہے گی۔

کراچی آرٹس کونسل کے سیکرٹری احمد شاہ کاکہنا تھا کہ کانفرنس میں امریکا برطانیہ ،بھارت،نیوزی لینڈ،آسٹریلیا ،متحدہ عرب امارات سمیت دیگر ممالک کے مندوبین شرکت کریں گے۔

انہوں نے کہا کہ چار دن کے دوران پچیس مختلف ادبی نشستوں کا انعقاد کیا جائے گا جس میں ادب، زباں، تاریخ، فلم، ڈرامہ، تھیٹر اور موسیقی سمیت مختلف موضوعات پر اعلیٰ علمی شخصیات کی جانب سے مقالہ جات پیش کیے جائیں گے۔

آرٹس کونسل کے عہدیداروں نے صحافیوں سے گفتگو میں بتایا کہ پاکستان کی جانب سے بھارتی ادیبوں کو ویزے جاری کردیے گئے ہیں تاہم بھارتی وزیراعظم مودی کی انتہاپسندی کے باعث بھارتی ادیب کانفرنس میں شرکت سےگریزاں نظر آرہے ہیں۔

انہوں نے کہا کہ بھارت میں پہلی بار انتہا پسند مودی حکومت برسراقتدار آئی ہے ، مودی نفرت کا پوجاری ہے لیکن ہم امن کی آواز ادب کے پلیٹ فارم سے پوری دنیا تک پہنچائیں گے۔

کراچی آرٹس کونسل کے عہدیداروں نے کونسل کے آئندہ پروگرامز کے بارے میں بتاتے ہوئے محمد احمد شاہ نے بتایا کہ آئندہ سال 2017ء میں پاکستان ثقافتی کانفرنس کا انعقاد کیا جائے گا۔

Comments

comments

یہ بھی پڑھیں