The news is by your side.

Advertisement

کراچی، مشتعل باراتیوں کا ایس پی آفس پر دھاوا، ملزم کو چھڑا لیا

کراچی: شہر قائد کے علاقے لطیف ٹاؤن میں شادی کی تقریب میں ہوائی فائرنگ کرنے کے الزام میں گرفتار ملزمان کے ساتھیوں نے ایس پی آفس پر دھاوا بول دیا۔

اے آر وائی نیوز کے مطابق ملیر کے علاقے شاہ لطیف ٹاؤن میں شادی کی تقریب میں ہوائی فائرنگ ہوئی، جس کا پولیس نے نوٹس لیتے ہوئے تین ملزمان کو گرفتار کیا۔

ملزمان کو حراست میں لینے پرباراتیوں نے ایس پی ملیر کے دفتر پر احتجاج کیا اور ساتھیوں کو چھڑوانے کے لیے دھاوا بولا، مشتعل باراتیوں کی جانب سے ایس پی ملیر آفس میں توڑپھوڑ اور اہلکاروں کو زدوکوب کیا۔

ایس پی ملیر کے مطابق فائرنگ کی اطلاع پرپولیس پارٹی وقوعہ پر پہنچی توباراتی اس سے الجھ پڑے تھے، ایک شخص نے اہلکارپرپستول تانی، جسےحراست میں لے لیا گیا۔

ایس پی ملیر کے مطابق مشتعل افرادنےتھانےمیں گھس کر زیر حراست شخص کوچھڑا لیا، جس کے بعد پولیس کی بھاری نفری کے ہمراہ دوبارہ کارروائی کی گئی، جس میں تین ملزمان گرفتار ہوئے۔

انہوں نے بتایا کہ ’ملزمان کی گرفتاری پربھی مشتعل افراد نے ہنگامہ آرائی کی‘۔ پولیس نے گرفتار افراد کے خلاف دہشت گردی ایکٹ کے تحت مقدمہ درج کرنے کی کارروائی شروع کردی۔

Comments

یہ بھی پڑھیں