The news is by your side.

ویڈیو: کراچی لٹیروں کی جنت بن گیا، دن دہاڑے ایک اور واردات

کراچی: شہر قائد لٹیروں کی جنت بن گیا ہے، لٹیرے دن دہاڑے ایک اور واردات کر کے چلتے بنے۔

تفصیلات کے مطابق کراچی میں لوٹ مار کی ایک اور واردات کی سی سی ٹی وی فوٹیج سامنے آ گئی ہے، یہ واردات کورنگی کے علاقے سیکٹر 32 اے میں 3 لٹیروں نے کی۔

سی سی ٹی وی فوٹیج دیکھ کر ایسا لگتا ہے کہ کراچی میں پولیس نامی کوئی ادارہ موجود نہیں، اور لٹیرے دن دہاڑے بے خوفی اور آرام سے وارداتیں کر کے نکل جاتے ہیں۔

جمعرات کو کی گئی واردات میں تین لٹیروں نے علاقے میں مال سپلائی کرنے والی گاڑی سمیت کئی دکانوں کو لوٹا، دو موٹر سائیکلوں پر سوار تین لٹیرے اسلحے کے زور پر اطمینان سے لوٹ مار کرتے رہے۔

فوٹیج: کراچی میں ایک بار پھر بچوں کا موٹر سائیکل لفٹر گینگ سرگرم

واردات کے بعد ملزمان بہ آسانی فرار ہونے میں کامیاب ہو گئے۔

Comments

یہ بھی پڑھیں