The news is by your side.

Advertisement

کراچی: میٹرک سائنس گروپ کے نتائج کا اعلان ہوگیا

کراچی:میٹرک سائنس گروپ کے نتائج کا اعلان کردیا، میٹرک سائنس گروپ میں کامیابی کا تناسب 99.8 فیصد رہا۔

تفصیلات کے مطابق ثانوی تعلیمی بورڈ کراچی کے تحت میٹرک سائنس گروپ کے نتائج کا اعلان کردیا گیا، امتحان میں ایک لاکھ68 ہزار 880 طلبا کامیاب قرار پائے۔

چیئرمین میٹرک بورڈ کے مطابق امتحانات میں 168880طلبہ نے شرکت کی اور کامیابی کا تناسب 99.8 فیصد رہا۔

چیئرمین میٹرک بورڈ پروفیسر سعید الدین کا کہنا ہے کہ پورےملک کےتعلیمی بورڈمیں اول،دوم اورسوم کااعلان نہیں ہوگا، اے ون گریڈ میں 17156، اے گریڈ میں 30746 ، بی گریڈمیں 35855 اور سی گریڈ میں 39159 طلبا نے کامیابی حاصل کی جبکہ ضافی مضمامین میں 425امیدوار کامیاب ہوئے۔

یاد رہے ہفتے کو پنجاب میں تعلیمی بورڈز نے میٹرک کے سالانہ 2020 کا رزلٹ جاری کیا تھا، میٹرک بورڈ کے نتائج کے مطابق کامیابی کا تناسب 71 فی صد رہا، امتحانات میں 2 لاکھ 37 ہزار سے زائد بچوں نے شرکت کی، تمام طلبہ رزلٹ 8029 پر میسج کر کے معلوم کر سکتے ہیں۔

بورڈ آف انٹرمیڈیٹ اینڈ سیکنڈری ایجوکیشن راولپنڈی کے نتائج کے مطابق امتحان میں 122553 امیدواروں نے داخلہ بھیجا، جن میں سے 121507 امیدوا شامل امتحان ہوئے، ان میں سے 91888 امیدوار کامیاب ہوئے۔

ترجمان راولپنڈی بورڈ ارسلان علی چیمہ کے مطابق امتحانات میں کامیابی کا تناسب 75.65 رہا، 29429 امیدوا مذکورہ امتحان میں فیل ہوئے، جب کہ 1007 امیدوار غیر حاضر رہے، امتحان میں 57128 طالبات اور 65425 طلبہ شامل امتحان ہوئے تھے۔

اسی طرح ملتان بورڈ کے مطابق امتحانات میں کامیابی کا تناسب 84.72 رہا، امتحانات میں ایک لاکھ 14 ہزار 584 امیدوار رجسٹر ہوئے، جن میں سے ایک لاکھ 13 ہزار 407 نے امتحانات دیے، ان میں سے 96 ہزار 74 امیدوار کامیاب ہوئے۔

Comments

یہ بھی پڑھیں