کراچی، دلہن کے مبینہ اغوا کا ڈراپ سین، اصل کہانی سامنے آگئی -
The news is by your side.

Advertisement

کراچی، دلہن کے مبینہ اغوا کا ڈراپ سین، اصل کہانی سامنے آگئی

کراچی: شہر قائد کے علاقے نارتھ ناظم آباد سے دلہن کے مبینہ اغوا کا ڈراپ سین ہوگیا، تفتیشی ٹیم کے مطابق لڑکی اور لڑکے نے پہلے سے نکاح کر رکھا تھا۔

ایس ایس پی امجد حیات کا کہنا تھا کہ گزشتہ رات لڑکی کے بھائی نے تیموریہ تھانے میں اغوا کا مقدمہ درج کرایا جس کے بعد پولیس نے دلہن کے مبینہ اغوا کی تحقیقات کیں۔

پولیس ٹیم کی ابتدائی تفتیشی رپورٹ کے مطابق لڑکی نے اپنے سابقہ منگیتر سے پہلے ہی نکاح کررکھا گھا، اگر واقعی دونوں نے کورٹ میرج کی تو مقدمہ سی کلاس ہوجائے گا۔

ایس ایس پی کا کہنا تھا کہ اگر نکاح نامہ پیش نہیں کیا گیا تو قانون کے مطابق لڑکی اور لڑکے دونوں کو گرفتار کیا جائے گا اور ملزم کو اغوا کار کے طور پر تصور کیا جائے گا۔

واضح رہے کہ گزشتہ رات نارتھ ناظم آباد میں واقع بیوٹی پارلر سے دلہن کے غائب ہونے کا واقعہ پیش آیا تھا جسے اہل خانہ نے اغوا ظاہر کر کے سابق منگیتر پر الزام عائد کیا تھا۔ لڑکی کی 30 ستمبرکو شادی تھی اور مایوں کی تیاری کے لیے وہ اپنی بہن کے ساتھ تیموریہ میں واقع ایک بیوٹی پارلرگئی تھی۔

متوفیہ کے اہل خانہ نے سابق منگیتر کے خلاف تیموریہ تھانے میں مقدمہ درج کراوایا تھا۔

ایس ایچ او تیموریہ کا کہنا تھا گمشدگی سے قبل لڑکی نے اپنے سابق منگیتر سے موبائل فون پر رابطہ کیا تھا جبکہ اہل خانہ نے الزام عائد کیا تھا کہ اُن کی بیٹی کو سابق منگیتر چار لڑکوں کے ساتھ زبردستی اغوا کر کے لے گیا۔

Comments

comments

یہ بھی پڑھیں