The news is by your side.

Advertisement

کراچی: سفاک ڈاکوؤں نے یونیورسٹی کے طالبعلم کو موت کے گھاٹ اتار دیا

کراچی: شہرقائد میں ڈکیتی کے دوران مزاحمت پر درندہ صفت ڈاکوؤں نے افتخار نامی یونیورسٹی کے طالب علم کو فائرنگ کرکے قتل کردیا۔

تفصیلات کے مطابق کراچی کے علاقے سرجانی ٹاون میں ڈکیتی مزاحمت پر وفاقی اردو یونیورسٹی کے طالب علم افتخار کو موت کے گھاٹ اتار دیا گیا، مقتول افتخار شادی شدہ اور 2 بیٹیوں کا باپ تھا۔

پولیس کا کہنا ہے کہ فائرنگ کاواقعہ گزشتہ روز سرجانی سیکٹرڈی فورمیں پیش آیا، افتخار وفاقی اردو یونیورسٹی میں شعبہ ابلاغ عامہ(ڈیپارٹمنٹ آف ماس کمیونیکیشن) کا طالب علم تھا۔

اس حوالے سے پولیس نے یہ بھی بتایا کہ ڈکیتی کے دوران فائرنگ کے اس واقعے کی تحقیقات کررہے ہیں، جلد ملزمان کی گرفتاری عمل میں لائی جائے گی۔

اس افسوس ناک واقعے نے مقتول کے خاندان کو غم سے نڈھال کردیا ہے۔

Comments

یہ بھی پڑھیں