کراچی(17 اپریل 2026): سندھ رینجرز نے ریڑھی گوٹھ کے علاقے میں کارروائی کرتے ہوئے برمی گینگ سے تعلق رکھنے والے 2 ملزمان کو گرفتار کر لیا ہے۔
رینجرز ترجمان کے مطابق گرفتار ملزمان ڈکیتی اور اسٹریٹ کرائم کی متعدد وارداتوں میں ملوث ہیں۔ملزمان کے قبضے سے غیر قانونی اسلحہ اور موٹر سائیکل برآمد کر لی گئی ہے، جس میں ایک 12 بور رائفل، 30 بور پستول اور ایمونیشن شامل ہے۔
ترجمان رینجرز نے بتایا کہ ملزمان کے زیر استعمال ہونڈا 125 موٹر سائیکل بھی بغیر کاغذات کے نکلی ہے۔دورانِ تفتیش گرفتار ملزم اصغر نے گینگ کو اسلحہ فراہم کرنے کا اعتراف کر لیا ہے۔
جبکہ ملزمان نے چوری شدہ موٹر سائیکلیں سستے داموں خریدنے کا انکشاف بھی کیا ہے۔ رینجرز حکام کا کہنا ہے کہ گینگ کے دیگر ساتھیوں کی گرفتاری کے لیے چھاپے مارے جا رہے ہیں، جبکہ گرفتار ملزمان کو مزید قانونی کارروائی کے لیے پولیس کے حوالے کر دیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں