The news is by your side.

Advertisement

کراچی:بزنس مین گروپ نے لاک ڈاؤن میں توسیع کو مسترد کر دیا

کراچی: بزنس مین گروپ نے حکومت سندھ کی جانب سے لاک ڈاؤن میں توسیع کے فیصلے کو مسترد کر دیا۔

تفصیلات کے مطابق چیئرمین بزنس مین گروپ سراج قاسم تیلی نے سندھ حکومت کے لاک ڈاؤن میں توسیع کے فیصلے کو مسترد کرتے ہوئے کہا کہ 15جولائی تک لاک ڈاؤن میں توسیع سراسر نا انصافی ہے۔

سراج قاسم تیلی نے سندھ حکومت سے ہر قسم کے کاروبار کو مکمل طور پر کھولنے کی اجازت دینے کا مطالبہ کر دیا۔انہوں نے کہا کہ ایس او پیز پر عمل کے لیے ایڈمنسٹریشن کا بھرپور استعمال کیا جاسکتا ہے۔

دوسری جانب آغا شہاب نے کہا کہ ریسٹورنٹس، شادی ہال، بیوٹی پارلر،سینما4 ماہ سے بند ہیں، سندھ حکومت لاک ڈاؤن میں توسیع کا نوٹیفکیشن فوراً واپس لے۔

سندھ حکومت نے لاک ڈاؤن میں 15 دن کی توسیع کر دی

واضح رہے کہ کرونا وائرس کے پھیلاؤ کو روکنے کے لیے سندھ حکومت نے لاک ڈاؤن میں 15 دن کی توسیع کر دی۔محکمہ داخلہ سندھ کی جانب سے جاری نوٹیفکیشن میں کہا گیا ہے کہ 15 جولائی تک صوبے میں لاک ڈاؤن رہے گا۔

Comments

یہ بھی پڑھیں