site
stats
سندھ

کراچی سینٹرل جیل میں قیدیوں کا احتجاج، ہنگامہ آرائی

کراچی : سینٹرل جیل کے قیدیوں نے انتظامیہ کی جانب سے کھانے پینے کے برتن اورتمام اشیاء واپس لیے جانے کیخلاف احتجاج کرتے ہوئے جیل کے اندر ہنگامہ کھڑا کردیا۔

تفصیلات کے مطابق کراچی سینٹرل جیل میں صورتحال اس وقت کشیدہ ہوگئی جب دارالقرآن وارڈ کے قیدیوں نے اچانک وارڈ سے باہر آکر ہنگامہ آرائی شروع کردی۔

احتجاج کا مقصد قیدیوں سے کھانے پینے کے اس سامان کی واپسی تھا جو گزشتہ روزواپس لے لیا گیا تھا، قیدیوں کے مشتعل ہونے پرجیل کے اندر اہلکاروں کو الرٹ کرنے کیلئے سائرن بجائے گئے اورجیل کے اندر ہائی الرٹ کردیا گیا۔


مزید پڑھیں: سینٹرل جیل سے کالعدم جماعت کے 2 خطرناک قیدی فرار


قیدی اپنے حقوق کیلئے نعرے بازی کرتے رہے، ذرائع کے مطابق گزشتہ روز جیل سے دو قیدیوں کے فرار ہونے کے واقعے کے بعد دیگر قیدیوں سے کھانے پینے کے برتن اور دیگر سامان واپس لے لیا گیا تھا۔


مزید پڑھیں: سینٹرل جیل سے قیدیوں کے فرار میں جیل حکام ملوث


بعد ازاں پولیس، رینجرز اور ایف سی کے عملے نے مشتعل قیدیوں کی وجہ سے پیدا ہونے والی صورتحال پر قابو پایا۔ اور انہیں ان کے وارڈ میں منتقل کردیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top