The news is by your side.

Advertisement

کراچی چیمبر کی شہر کو دو ہفتے میں صاف کرنے کے علی زیدی کے بیان کی حمایت

کراچی: کراچی چیمبر نے وفاقی وزیربرائے بحری امور علی زیدی کے بیان کی حمایت کردی جس میں انہوں نے کہا ہے کہ شہرقائد کو دو ہفتے میں صاف کردیں گے۔

تفصیلات کے مطابق بزنس مین گروپ کے چیئرمین و سابق صدر کراچی چیمبر آف کامرس اینڈ انڈسٹری( کے سی سی آئی ) سراج قاسم تیلی اور صدر کے سی سی آئی جنید اسماعیل ماکڈا نے وفاقی وزیربرائے بحری اُمور علی حیدر زیدی کی جانب سے پورے کراچی کو دو ہفتوں میں کچرے سے پاک کرنے کے عہد کا خیرمقدم کیا۔

انہوں نے اپنا ہر ممکن تعاون اور بھرپور حمایت کی ہے تاکہ وفاقی حکومت کی کراچی میں صفائی ستھرائی، انفرااسٹرکچر، پانی کی قلت، سیوریج کی ابتر صورت حال اور بجلی کے بار بار تعطل کو بہتر بنانے کی جدوجہد کو کارگر بنایا جاسکے۔

چیئرمین بی ایم جی اور صدر کے سی سی آئی نے ایک مشترکہ بیان میں کہا کہ کراچی چیمبر کی تاجروصنعتکار برادری حکومت کے شانہ بشانہ کھڑی ہے اور ہم کراچی میں معیار زندگی کو بہتر بنانے کے تمام اقدامات میں ان کے ساتھ مل کر کام کریں گے۔

انہوں نے کہا کہ کراچی کو ایک دہائی سے بھی زیادہ عرصے کے دوران نظرانداز کرنے کی وجہ سے کراچی والوں کی مشکلات میں بہت زیادہ اضافہ ہوا ہے اور یہی صورتحال کراچی میں مون سون کی پہلی بار ش کے دوران دیکھنے میں آئی جہاں شہریوں کو بجلی کے بار بار تعطل، گلیوں میں گندے پانی، نکاسی آب کا نہ ہونا اور صفائی ستھرائی کی انتہائی خراب صورتحال کاسامنا رہا۔

کراچی صفائی مہم، سی ای او ARY سلمان اقبال کی حکومت کو مکمل تعاون کی یقین دہانی

مشترکہ بیان میں مزید کہنا تھا کہ ہم وفاقی حکومت کے ہر اُس اقدام کی بھرپور حمایت کریں گے جو کراچی کے بہتر ترین مفاد میں ہو جو تمام ترمشکلات کے باوجود ملکی خزانے میں 70فیصد اور سندھ ریونیوبورڈ میں 95فیصد سے زائد ریونیو جمع کرواتا ہے۔

Comments

comments

یہ بھی پڑھیں