کراچی میں سرکلرریلوے کی بحالی کا فیصلہ کرلیا گیا -
The news is by your side.

Advertisement

کراچی میں سرکلرریلوے کی بحالی کا فیصلہ کرلیا گیا

کراچی : سندھ حکومت نے کراچی میں سرکلرریلوے کی بحالی کا فیصلہ کرلیا،مذکورہ منصوبہ جاپانی کمپنی کی مدد سے مکمل کیا جائے گا۔

تفصیلات کے مطابق سپریم کورٹ کراچی رجسٹری میں چنگ چی رکشوں کی بندش سے متعلق کیس کی سماعت کے موقع پر سیکریٹری ٹرانسپورٹ نے کراچی میں متبادل ٹرانسپورٹ کی فراہمی کے مسئلہ کی رپورٹ عدالت میں جمع کرادی۔

سیکریٹری ٹرانسپورٹ نے رپورٹ میں بتایا ہے کہ چنگ چی رکشوں کا متبادل منصوبہ زیر غور ہے، اس سلسلے میں شمسی توانائی سے چلنے والے رکشے برآمد کرنے پر بھی غورکیا جارہا ہے۔

شہر میں100 سی سی موٹرسائیکل رکشوں کو حفاظتی اقدامات کرنے پر چلنے کی اجازت دی جاسکتی ہے۔ رپورٹ کے مطابق کراچی میں جاپانی کمپنی کی مدد سے سرکلر ریلوے کی بحالی کا فیصلہ کیا گیاہے۔

جس میں ماڈل کالونی سے مزار قائد تک کوریڈوربنایاجائے گا،21 کلومیٹرکے کوریڈور سے یومیہ ساڑھے تین لاکھ مسافر وں کو فائدہ پہنچے گا، جبکہ داؤد چورنگی سے صدر کراچی تک بھی کوریڈور بنایا جائے گا 26 کلومیٹر کوریڈور سے یومیہ ڈیڑھ لاکھ لوگ مستفید ہونگے۔

مقدمے کی سماعت جسٹس امیر ہانی مسلم اور جسٹس گلزار احمد پر مشتمل دو رکنی بنچ نے کی ،عدالت نے مقدمے کی سماعت 28 ستمبر تک ملتوی کردی۔

Comments

comments

یہ بھی پڑھیں