The news is by your side.

Advertisement

کراچی، سرپھرے شہریوں نے ڈکیتوں کو پکڑ لیا

کراچی: شہر قائد میں اسٹریٹ کرائم کی وارداتوں کے بعد شہریوں نے ڈکیتوں کے خلاف خود ہی کارروائیاں کرنا شروع کردیں۔

نمائندہ اے آر وائی نیوز کے مطابق کراچی کے علاقے کورنگی میں واقع بلال کالونی تھانے کی حدود میں چار سر پھرے شہریوں نے اپنی جان کی پرواہ کیے بغیر موٹرسائیکل پر سوار ڈکیتوں کو پکڑ لیا۔

بلال کالونی تھانے کی حدود میں دو موٹر سائیکل سواروں نے شہری سے لوٹ مار کی اور فرار ہونے لگے تو اسی دوران شہری نے شور مچا دیا۔

شہری کے شور مچانے پر علاقہ مکینوں نے اپنی موٹر سائیکل پر ڈکیتوں کا پیچھا کیا اور جان کی پرواہ کیے بغیر ڈکیتوں کو گھیر کر انہیں پکڑ لیا۔ نوجوانوں نے ڈکیت پر تشدد بھی کیا اور اُس کے قبضے سے مسروقہ سامان برآمد کیا۔

مزید پڑھیں: کراچی، ایک سال بعد کینیڈین خاتون کے قتل کا معمہ حل، ایم کیو ایم لندن کے کارندے گرفتار

بعد ازاں پولیس کی نفری جائے وقوعہ پر پہنچیں تو شہریوں نے ڈکیت اور اُس سے قبضے سے برآمد ہونے والا مسروقہ سامان پولیس کے حوالے کیا۔ ملزم کے خلاف  تھانہ بلال کالونی میں مقدمہ درج کرلیا گیا۔

دوسری جانب  کراچی کے علاقے اورنگی ٹاؤن غازی گوٹھ میں ڈکیتی مزاحمت پر مسلح افراد نے فائرنگ کر کے ذیشان نامی نوجوان قتل کردیا۔ مقتول کی لاش کو ضابطے کی کارروائی کے لیے عباسی شہید اسپتال منتقل کردیا گیا۔

fb-share-icon0
Tweet 20

Comments

comments

یہ بھی پڑھیں