The news is by your side.

Advertisement

کراچی: غیر اعلانیہ لوڈ شیڈنگ، شہری احتیاط سے پانی استعمال کریں، واٹربورڈ

کراچی: ایم ڈی واٹر بورڈ نے شہریوں کو احتیاط سے پانی استعمال کرنے کا مشورہ دیتے ہوئے کہا ہے کہ بجلی کے طویل بریک ڈاؤن کے باعث پانی کی ترسیل میں مشکلات کا سامنا ہے۔

واٹر بورڈ کی جانب سے جاری اعلامیے میں کہا گیا ہے کہ بجی کے طویل بریک ڈاؤن کی وجہ سے کراچی کو 150 ملین گیلن سے زائد پانی کی سپلائی نہیں دی جاسکی، بریک ڈاؤن کے باعث شیڈول اور ناغہ سسٹم شدید حد تک متاثر ہوا۔

ایم ڈی واٹر بورڈ نے کہا ہے کہ گھارو فلٹر پلانٹ کی بجلی تاحال بحال نہیں ہوسکی جس کی وجہ سے پانی فراہم نہیں کیا جارہا جبکہ مختلف پمپنگ اسٹیش پر بجلی نہ ہونے کی وجہ سے پانی کی فراہمی یقینی نہیں بنائی جاسکی۔

واٹر بورڈ حکام کا کہنا ہے کہ کراچی کو فراہمی آب کا مکمل نظام پیر کی صبح 6 سے 8 بجے تک بحال ہوسکے گی جب تک شہری پانی کو احتیاط سے استعمال کریں تاکہ کسی بڑی پریشانی سے بچ سکیں۔

Print Friendly, PDF & Email

Comments

comments

یہ بھی پڑھیں