The news is by your side.

Advertisement

خاتون کی لاش سے بے حرمتی کرنے والا ‘سفاک مجرم’ انجام کو پہنچا

کراچی: شہرقائد کے قبرستان میں خاتون کی میت کی بے حرمتی کرنے والے سفاک ملزم کیفر کردار تک جاپہنچا۔

تفصیلات کے مطابق کراچی سٹی کورٹ میں قبرستان میں خاتون کی میت کی بے حرمتی کا جرم ثابت ہونے پر ملزم ریاض کو دو بار عمر قید کی سزا سنادی گئی ہے، عدالت نے ملزم کو پچاس ہزار روپے کا جرمانہ بھی عائد کیا، جرمانے کی عدم ادائیگی پر مزید ایک سال قید کی سزا بھگتنا ہوگی۔

عدالت کی جانب سے ملزم ریاض کو گیارہ سال بعد کیس میں سزا سنائی گئی، مجرم انتیس نومبر دو ہزار گیارہ کو وقوعہ سے رنگے ہاتھوں گرفتار ہوا تھا، ریاض کے خلاف دو ہزار گیارہ میں نارتھ ناظم آباد تھانے میں مقدمہ درج کیا تھا، مجرم کی گرفتاری سخی حسن قبرستان کے گورکن نےنشاندہی پر عمل میں لائی گئی تھی۔

یہ بھی پڑھیں: مالاکنڈ: بیمار شخص کی فائرنگ، گھر قبرستان میں تبدیل

استغاثہ کے مطابق ملزم کی نشاندہی پر موقع سے حاصل شواہد کی فارنسک جانچ کروائی گئی، فارنسک اور کیمیکل جانچ کی رپورٹ سے بھی جرم ثابت ہوا۔

عدالتی فیصلے میں کہا گیا کہ ملزم کا جرم انتہائی سنگین نوعیت کا ہے، ملزم کو خوف خدا نہیں، وہ کسی رعایت کا مستحق نہیں ہے۔

Comments

یہ بھی پڑھیں