The news is by your side.

Advertisement

کراچی میں صفائی مہم کا باقاعدہ آغاز کل سے ایف ڈبلیو او کی نگرانی میں ہوگا، علی زیدی

کراچی : وفاقی وزیر بحری امور علی زیدی نے کہا ہے کہ کراچی میں صفائی مہم کل سے شروع ہوگی، کے ایم سی اور ڈی ایم سی کے ساتھ مل کر کام کررہے ہیں، ایف ڈبلیو او کراچی صفائی مہم کی نگرانی کرے گا۔

یہ بات انہوں نے کراچی مہم کے حوالے سے پریس کانفرنس کرتے ہوئے کہی۔ انہوں نے کہا کہ مہم کے آغاز میں سب سے پہلے تمام نالوں کی صفائی کریں گے۔

کے ایم سی اور ڈی ایم سی کے ساتھ مل کر کام کررہے ہیں، ایف ڈبلیو او کراچی صفائی مہم کی نگرانی کرے گا، کراچی کے38نالے سمندر میں گرتے ہیں،38میں سے13نالے بڑے ہیں وہ بھی بند ہیں۔

یہ کام کراچی کو ساتھ ملائے بغیرنہیں ہوسکتا، خود کراچی والوں کو بھی اونرشپ لینا پڑے گی،14اگست تک کراچی کے نالوں کی صفائی کردی جائے گی۔

کراچی کی صفائی کے لئے اسٹیک ہولڈر سے رابطہ شروع کردیا ہے، تاجربرادری بھی مدد کرنے کو تیار ہے، یہ مہم اتنی بڑی ہوگئی ہے کہ انٹرنیشنل کالز بھی آرہی ہیں۔

مہم میں وزیراعلیٰ سندھ مراد علی شاہ اور سعید غنی بھی دلچسپی لے رہے ہیں، کراچی میں صفائی کی کل سے باقاعدہ مہم شروع کررہے ہیں، کراچی کی صفائی کا کام ایف ڈبلیو او کرے گا۔

وزیربحری امور علی زیدی کا مزید کہنا تھا کہ شہر بھر کا لاکھوں ٹن کچرا بارش کے باعث بہہ کر سمندر میں آگیا ہے، حکومت سندھ سے درخواست ہے پلاسٹک بیگز پر پابندی عائد کردیں، یہ سمندری آلودگی کا باعث بھی بن رہے ہیں۔

مچھلی کے پیٹ سے بھی پلاسٹک بیگ نکل رہے ہیں، علی زیدی نے کہا کہ ہم یہاں شہریوں کی مدد کرنے آئے ہیں حکومت کرنے نہیں، کراچی واٹر اینڈ سیوریج بورڈ سے متعلق قانون بنایا جائے، واٹر اینڈ سیوریج بورڈ کو الگ کیا جائے گا، ایک ادارہ پانی کی ذمہ داری دیکھے اور دوسرا سیوریج کی۔

Comments

comments

یہ بھی پڑھیں