کراچی : ماڑی پور میں شراب خانہ پر دستی بم حملہ، 5افراد زخمی -
The news is by your side.

Advertisement

کراچی : ماڑی پور میں شراب خانہ پر دستی بم حملہ، 5افراد زخمی

کراچی: ماڑی پور میں شراب خانہ پر دستی بم حملے کے نتیجے میں 5افراد زخمی ہوگئے.

تفصیلات کے مطابق تھانہ کلری کے علاقے میں ماڑی پور روڈ پر واقع شراب خانہ پر نامعلوم موٹر سائیکل سوار افراد کی جانب سے دستی بم حملہ کیا گیا جس کے نتیجے میں پانچ افراد زخمی ہوئے.

حملے کے باعث علاقے میں خوف و ہراس پھیل گیا تھا پولیس کے پہنچنے تک ملزمان موقع سے فرار ہوگئے تھے، واقعے میں زخمی افراد کو طبی امداد کیلئے سول اسپتال منتقل کیا گیا.

زخمیوں کی شناخت بابر،چندر،کمار اور شنکر کے ناموں سے ہوئی، اسپتال زرائع کے مطابق زخمیوں میں سے دو کی حالت تشویشناک ہے، واقعہ کے بعد علاقہ مکینوں کی جانب سے رہائشی علاقے میں شراب خانہ بند کرنے کیلئے احتجاج کیا گیا.

دوسری جانب کراچی میں فائرنگ اور پرتشدد واقعات میں 2افراد جان بحق اور 2زخمی ہوگئے، پولیس حکام کے مطابق لیاری شاہ بیگ لین میں نامعلوم افراد کی فائرنگ سے ایک شخص لقمہ اجل بنا جبکہ نیوکراچی اللہ والی چورنگی کے قریب سے نوزائیدہ بچے کی لاش ملی، پرانی سبزی منڈی کے قریب فائرنگ سے ایک شخص زخمی ہوا جبکہ ڈیفنس فیز2میں ڈکیتی مزاحمت کے دوران شہری زخمی ہوگیا.

Comments

comments

یہ بھی پڑھیں