The news is by your side.

Advertisement

بینک سے رقم نکلوانے والا گھر کی دہلیز پر 9 لاکھ روپے سے محروم

کراچی کے علاقے گلستان جوہرمیں بینک سے رقم نکلوانے والے شہری کو گھر کی دہلیز پر لوٹ لیا گیا، ڈاکو9 لاکھ رپوے چھین کر فرار ہوگئے۔

گلستان جوہر بلاک 8میں گھر کی دہلیز پر اسٹریٹ کرائم کی واردات ہوئی ہے، شہری صفورا کے نجی بینک سے 9لاکھ روپے کی رقم نکلوا کرگھر کے قریب پہنچا ہی تھا کہ ڈاکو بھی پیچھا کرتے ہوئے اس کے پاس آگئے۔

گھرکی دہلیز پر پہنچتے ہی موٹر سائیکل سوار دو ڈاکوؤں نے اسلحے کے زور پر شہری سے نوٹوں سے بھرا لفافہ چھین لیا۔

شہری نے پہلےتو مزاحمت کی لیکن پھر ہار مان لی، واردات کی سی سی ٹی وی فوٹیج اے آر وائی نیوز نے حاصل کرلی، مسلح ڈکیتوں کے چہرے واضح ہیں لیکن پولیس تاحال ایک بھی ملزم کو گرفتار نہ کرسکی۔

مزید پڑھیں : کراچی میں بینک سے رقم نکلوانے والا شہری لٹ گیا

یا رہے کہ کہ کراچی میں بینک سے رقم لے کر نکلنے والے شہریوں سے لوٹ مار کے واقعات میں اضافہ ہوگیا، گزشتہ سال نومبر میں کراچی کے علاقے ابو الحسن اصفہانی روڈ پر بینک سے رقم لے کر نکلنے والے شہری کو لوٹ لیا گیا تھا۔

Comments

یہ بھی پڑھیں