کراچی: شہر قائد کے علاقے لیاقت آباد میں سلنڈر دھماکا ہوا جس میں بچے سمیت 2 افراد جاں بحق جبکہ چار زخمی ہوگئے۔
اے آر وائی نیوز کے مطابق لیاقت آباد نمبر 9 میں واقع رہائشی عمارت میں گیس سلینڈر پر کھانا پکانے کے دوران زور دار دھماکا ہوا۔
دھماکے کے نتیجے میں بالکونی کا کچھ حصہ گلی میں گرا، جس کے باعث چار افراد زخمی ہوئے جبکہ گھر میں موجود بچے سمیت دو افراد جاں بحق ہوئے۔
دھماکے کے نتیجے میں پینتالیس گز پر قائم پانچ منزلہ عمارت کو نقصان پہنچا، جبکہ ملبہ گرنے سے گلی میں بیٹھے شہری اور اطراف کی عمارتیں متاثر ہوئیں۔ واقعے میں جاں بحق ہونے والوں کا تعلق ایک ہی خاندان سے ہے۔
پولیس نے جائے وقوعہ پہنچنے کے بعد اطراف کے رہائشیوں کو محفوظ مقام کی طرف منتقل کیا جبکہ فلاحی اداروں کے رضاکاروں کی مدد سے زخمیوں اور ہلاک شدگان کو عباسی شہید اسپتال منتقل کیا۔
پولیس حکام کے مطابق سلینڈر پر کھانا پکانے کے دوران واقعہ پیش آیا، جس میں خاتون شدید زخمی ہوئی ہیں۔
