The news is by your side.

Advertisement

کراچی کی ایک اور عمارت خطرناک قرار، مسمار کرنے کا فیصلہ

کراچی : شہر قائد کی ایک اور عمارت رہائش کیلئے خطرناک قرار دے دی گئی، ایس بی سی اے حکام نے نیو کراچی میں تین منزلہ پرانی عمارت مسمار کرنے کا فیصلہ کرلیا۔

تفصیلات کے مطابق سندھ بلڈنگ کنٹرول اتھارٹی نے کراچی میں ایک اور عمارت کو مخدوش اور خطرناک قرار دے دیا، نیو کراچی اللہ والی چورنگی کے قریب قائم 3منزلہ پرانی عمارت مسمار کرنے کا فیصلہ کیا گیا ہے۔

اس سلسلے میں کارروائی کرتے ہوئے ایس بی سی اے حکام نے مذکورہ عمارت کو رہائشیوں سے خالی کروا کے سیل کردیا، ایس بی سی اے نے عمارت مسمار کرنے کیلئے ضلعی انتظامیہ سے مدد مانگ لی۔

اس حوالے سے ایس بی سی اے حکام کا کہنا ہے کہ یہ عمارت کسی وقت گرنے کا خدشہ ہے، عمارت کے اطراف شہریوں کا داخلہ روکنے کیلئے اقدامات کئے جائیں۔

سندھ بلڈنگ کنٹرول اتھارٹی حکام نے میڈیا کو بتایا کہ خطرناک قرار دی گئی عمارت میں ایک خاندان رہائش پذیرتھا جسے وہاں سے خیریت سے نکال لیا گیا ہے اور عمارت کے نیچے قائم ہوٹل اور دکانیں بھی خالی کرادی گئی ہیں۔

کراچی عمارت منہدم ہونے کا واقعہ، 14 افراد جاں بحق، 36 زخمی

واضح رہے کہ کراچی کے علاقے گولیمار رضویہ سوسائٹی میں رہائشی عمارت گرنے کے نتیجے میں 14 افراد جاں بحق اور 65 زخمی ہوئے تھے

جائے وقوعہ پر ریسکیو ٹیموں کے ہمراہ رینجرز اور آرمی کی ٹیمیں بھی مصروف عمل رہیں جبکہ تنگ گلیوں کے سبب امدادی کارروائیوں میں دشواریوں کا سامنا کرنا پڑا۔

fb-share-icon0
Tweet 20

Comments

comments

یہ بھی پڑھیں