The news is by your side.

Advertisement

کراچی میں‌ چوری کی انوکھی واردات

کراچی: شہر قائد کے علاقے ڈیفنس میں واقع دکان میں تالہ توڑ گروپ چوری کی انوکھی واردات کرتے ہوئے لاکھوں روپے مالیت کے جوڑے لے کر فرار ہوگیا۔

اے آر وائی نیوز کی رپورٹ کے مطابق کراچی کے علاقے ڈیفنس میں واقع بخاری کمرشل میں تالہ توڑ گروپ نے بوتیک کا تالا توڑا اور اندر رکھے 12 لاکھ روپے مالیت کے خواتین کے جوڑے لے کر فرار ہوگیا۔

واردات کی سی سی ٹی وی فوٹیج میں دیکھا جاسکتا ہے کہ گروپ کے کارندوں نے تیز دھار آلے کی مدد سے دکان کا تالا کاٹا اور پھر اندر داخل ہونے کے بعد ایک ٹوکرے میں سوٹ بھر کر باہر  لے آیا۔

چوری کی اس واردات میں 25 لاکھ روپے مالیت کی گاڑی استعمال ہوئی، چور اس کار میں تقریباً 12 لاکھ روپے مالیت کے جوڑے رکھ کر فرار ہوئے۔

اے آر وائی نیوز کو ملنے والی سی سی ٹی وی فوٹیج میں 2ملزمان کو بوتیک کے باہر جائزہ لیتے دیکھا جاسکتا ہے، جس میں سے ایک ملزم نے موقع دیکھ کر کٹر سے دونوں تالے کاٹے، جس کے بعد دونوں لڑکے اندر داخل ہوگئے۔

ملزمان کے  اشارہ کرنے پر کالے رنگ کی کارب وتیک کے سامنے آکر  رکی اور پھر دونوں نے قیمتی جوڑوں کو بوریوں میں بھر کر کار کے پاس لائے، بعد ازاں ملزمان نے گاڑی کی ڈگی میں جوڑے ڈالے اور فرار ہوگئے۔

شلوارقمیض، پینٹ شرٹ میں ملبوس ملزمان نے کیپ اور ماسک لگا رکھے تھے، جس کی وجہ سے اُن کی واضح شناخت نہیں ہوسکی۔ پولیس نے مالک کی شکایت اور سی سی ٹی وی فوٹیج ملنے کے بعد شواہد اکھٹے کیے اور واقعے کی تفتیش شروع کردی۔

Comments

یہ بھی پڑھیں