The news is by your side.

Advertisement

کراچی: کورنگی میں غلط انجکشن لگنے سے 4 سالہ بچی جاں بحق

کراچی: شہر قائد کے علاقے کورنگی میں غلط انجکشن لگنے سے 4 سالہ بچی جاں بحق ہوگئی۔

تفصیلات کے مطابق ایک اوربچی مبینہ طورپر ڈاکٹر کی غفلت کی بھینٹ چڑھ گئی، کورنگی بلال کالونی میں غلط انجکشن لگنے سے 4 سالہ بچی دم توڑ گئی۔

پولیس حکام نے واقعے میں ملوث نجی کلینک کے ڈاکٹرکوحراست میں لے لیا۔ پولیس کا کہنا ہے کہ شام کے وقت بچی کوکلینک لایا گیا تھا، ڈاکٹرنے بچی کو سیپوٹیکس کا انجکشن لگایا تھا۔

پولیس کے مطابق ڈاکٹرعمران 2 سال سے کلینک میں مریضوں کا علاج کررہا ہے۔

بچی کے والد نے الزام عائد کیا کہ ان کی بیٹی کی موت ڈاکٹر کے لگائے گئے انجکشن کے باعث ہوئی، رات گئے بچی کی لاش قانونی کارروائی کے لیے جناح اسپتال منتقل کردی گئی۔

یاد رہے کہ چار روز قبل کراچی کے علاقے کورنگی نمبر 5 میں سندھ گورنمنٹ اسپتال کے ڈاکٹرز کی مبینہ غفلت سے 19 سالہ لڑکی انتقال کرگئی تھی، لواحقین کا کہنا تھا کہ لڑکی کو انجکشن لگایا گیا جس کے بعد وہ انتقال کرگئی۔

مزید پڑھیں: دارالصحت اسپتال میں مبینہ طورپرغلط انجکشن لگنے سے نوماہ کی بچی معذور

واضح رہے کہ گزشتہ دنوں کراچی کے دارالصحت اسپتال میں 9 ماہ کی بچی نشوا کو ہائی پوٹینسی دوا کی اوور ڈوز دے دی گئی تھی۔ غلط انجکشن کی وجہ سے بچی کی طبیعت بگڑ گئی۔

نشوا ایک ہفتے تک وینٹی لیٹر پر اسپتال میں ہی ایڈمٹ رہی اور ایک ہفتے بعد جب وینٹی لیٹر ہٹایا گیا تو بچی پیرالائزڈ ہوچکی تھی۔

Comments

comments

یہ بھی پڑھیں